Zaburi 60

Kuomba kuokolewa

¹Ee Mungu, umetukataa na kutokea ghafula juu yetu,

umekuwa na hasira; sasa turejeshe!

²Umetetemesha nchi na kuipasua;

uiponye mavunjiko yake, kwa maana inatetemeka.

³Umewaonesha watu wako nyakati za kukata tamaa;

umetunywesha mvinyo unaotuyumbisha.

⁴Kwa wale wanaokucha wewe,

umewainulia bendera,

ili iweze kutwekwa dhidi ya upinde.

⁵Tuokoe na utusaidie kwa mkono wako wa kuume,

ili wale uwapendao wapate kuokolewa.

⁶Mungu amenena kutoka patakatifu pake:

“Nitaigawa Shekemu kwa ushindi

na kulipima Bonde la Sukothi.

⁷Gileadi ni yangu, na Manase ni yangu;

Efraimu ni chapeo yangu,

nayo Yuda ni fimbo yangu ya utawala.

⁸Moabu ni sinia langu la kunawia,

juu ya Edomu natupa kiatu changu;

nashangilia kwa kushindwa kwa Ufilisti.”

⁹Ni nani atakayenipeleka hadi mji wenye ngome?

Ni nani atakayeniongoza hadi nifike Edomu?

¹⁰Ee Mungu, si ni wewe uliyetukataa sisi,

na hutoki tena na majeshi yetu?

¹¹Tuletee msaada dhidi ya adui,

kwa maana msaada wa mwanadamu haufai kitu.

¹²Kwa msaada wa Mungu tutapata ushindi,

naye atawaponda adui zetu.