Zaburi 121

Hakikisho la ulinzi wa Mungu

¹Nayainua macho yangu niitazame milima,

Msaada wangu utatoka wapi?

²Msaada wangu hutoka kwa BWANA,

Aliyezifanya mbingu na nchi.

³Hatauacha mguu wako usogezwe;[#1 Sam 2:9; Isa 27:3]

Akulindaye hatasinzia;

⁴Naam, hatasinzia wala hatalala,

Yeye aliye mlinzi wa Israeli.

⁵BWANA ndiye mlinzi wako;

BWANA ni uvuli katika mkono wako wa kulia.

⁶Jua halitakupiga mchana,[#Isa 49:10]

Wala mwezi wakati wa usiku.

⁷BWANA atakulinda na mabaya yote,[#Ayu 5:19; Zab 91:9,10; Mit 12:21]

Atakulinda nafsi yako.

⁸BWANA atakulinda utokapo na uingiapo,[#Kum 28:6; Mit 2:8]

Tangu sasa na hata milele.