Pasipo wongofu hakuna wokovu.

¹Isiraeli ni mzabibu uchipukao vema, uzaao matunda mema;

lakini kama matunda yake yalivyo mengi

ndivyo, walivyojitengenezea pengi pa kutambikia,

kwa wema wa nchi yako waliulinganya wema wa vinyago.

²Mioyo yao ni midanganyifu, sasa watalipishwa!

Yeye atapavunja pao pa kutambikia, aviangamize vinyago

vyao.

³Kwani sasa husema kweli kwamba: Hatuna mfalme!

Bwana hatukumcha, naye mfalme atatufanyizia nini?

⁴Husema maneno tu, huapa bure wakifanya maagano;

basi, nayo mapatilizo yatakua

kama mimea yenye uchungu shambani kwenye matuta.

⁵Wakaao Samaria huihangaikia ng'ombe ya Beti-Aweni,

kweli watu wa huko wanaiombolezea,

nao watambikaji wake wanatetemeka kwa ajili yake,

kwa ajili ya utukufu wake, kwa kuwa umeondolewa kwao.

⁶Nayo yenyewe itapelekwa Asuri kuwa tunzo la mfalme

Yarebu;

ndipo, soni zitakapomshika Efuraimu,

naye Isiraeli atatwezwa kwa ajili ya shauri lake.

⁷Mfalme wa Samaria ataangamizwa, awe kama kibanzi majini

juu.

⁸Navyo vilima vya Aweni vitaangamizwa, Isiraeli

alikomkosea Mungu;

miti yenye miiba na mibigili itakulia hapo pao pa

kutambikia;

ndipo, watakapoiambia milima: Tufunikeni!

nayo machuguu: Tuangukieni!

⁹Kuanzia zile siku za Gibea umekosa wewe Isiraeli! Huko walisimama, vita vya kuwapiga wapotovu visiwafikie huko Gibea.[#Hos. 9:9.]

¹⁰Nitawapiga, kama itakavyonipendeza; makabila mengine yatawakusanyikia, watakapofungiwa manza zao mbili, walizozikora.

¹¹Efuraimu anafanana na ndama aliyefundishwa, apendaye kupura; nami nitautumia uzuri wa shingo yake na kumfundisha kuvuta gari; hata Yuda atalima mahali pa ng'ombe, naye Yakobo atajipondea mwenyewe madongo.

¹²Kwa hiyo jipandieni yatakayoleta wongofu, mpate kuvuna yenye utu! jilimieni shamba jipya, siku zingaliko bado za kumtafuta Bwana, mpaka aje na kuwafundisha yanyokayo![#Yes. 55:6; Yer. 4:3.]

¹³Lakini ninyi hulimia mabaya, mkavuna mapotovu, mkala mazao ya uwongo. Kwa kuwa unajishikiza kwa njia yako na kwa wingi wa watu walio na nguvu za kupiga vita,[#Iy. 4:8.]

¹⁴kwa hiyo makelele ya vita yatatokea kwa watu wako, nayo miji yako yote yenye maboma itaangamizwa, kama Salmani alivyouangamiza Beti-Arbeli siku, walipopigana, ni hapo wamama waliposetwa na kuuawa pamoja na watoto.

¹⁵Mambo kama hayo ndiyo, Beteli utakayowapatia ninyi, kwa ajili ya ubaya wenu ulio mwingi; siku moja kutakapopambazuka, mfalme wa Isiraeli atakuwa ameangamia kabisa.