Matendo yao werevu nayo yao wajinga.

¹Apendaye kuonywa hupenda ujuzi,

lakini achukiaye kukanywa hupumbaa kama nyama.

²Mwema hujipatia upendeleo kwake Bwana,

lakini mwenye mawazo mabaya humpatiliza.

³Hakuna atakayeshupaa vema kwa kuacha kumcha Mungu,

lakini mashina ya waongofu hayatang'oleka.

⁴Mwanamke mwema ni kilemba cha mumewe,

lakini ampatiaye soni ni kama ugonjwa wa ubovu mifupani mwake.

⁵Mawazo ya waongofu huyataka yanyokayo,

lakini mashauri yao wasiomcha Mungu hutaka kudanganya tu.

⁶Maneno yao wasiomcha Mungu huotea damu za watu,

lakini vinywa vyao wanyokao huwaponya.

⁷Wasiomcha Mungu wanapofudikizwa hawako tena,

lakini nyumba za waongofu husimama.

⁸Mtu husifiwa, kama akili zake zilivyo,

lakini mwenye moyo mpotovu hubezwa.

⁹Kunyenyekea na kujitumikia mwenyewe ni kwema,

kuliko kujitukuza na kukosa vilaji.

¹⁰Mwongofu huzijua roho za nyama wake, afugao

lakini huruma zao wasiomcha Mungu ni ukali tu.

¹¹Alilimiaye shamba lake hushiba vilaji,

lakini akimbiliaye mambo yaliyo ya bure amepotelewa na akili.

¹²Asiyemcha Mungu hutamani mateka ya wabaya,

lakini mashina ya waongofu huchipuka.

¹³Mapotovu ya midomo ni kama tanzi baya,

lakini mwongofu huponyoka akisongwa.

¹⁴Kila mtu hushiba vema mazao ya kinywa chake,

mikono ya mtu iliyoyafanya, humrudia mwenyewe.

¹⁵Njia ya mjinga hunyoka machoni pake,

lakini mwerevu wa kweli husikia shauri la mwingine.

¹⁶Mjinga hujulikana kwa kukasirika papo hapo,

lakini aerevukaye huziba masikio akitukanwa.

¹⁷Asemaye yaliyo kweli hutangaza yaongokayo,

lakini shahidi ya uwongo hudanganya.

¹⁸Wako wapuzi wachomao mioyo ya watu kama upanga,

lakini ndimi zao walio werevu wa kweli huponya.

¹⁹Midomo yenye kweli hukaa kale na kale,

lakini ndimi za uwongo hukaa kitambo kidogo tu.

²⁰Udanganyifu umo mioyoni mwao watungao mabaya,

lakini wenye mshauri ya utengemano hufurahisha.

²¹Mwongofu hapatwi na mapotovu yo yote,

lakini wasiomcha Mungu hujaa mabaya.

²²Midomo ya uwongo humtapisha Bwana,

lakini wafanyao yaliyo kweli humpendeza.

²³Mtu aerevukaye huyaficha, anayoyajua,

lakini mioyo ya wapumbavu huutangaza ujinga.

²⁴Mikono yao wajihimizao kufanya kazi hupata ufundi,

lakini mikono ilegeayo hujipatia utumwa.

²⁵Majonzi yaliyomo ndani ya moyo wa mtu huulemeza,

lakini neno jema huufurahisha.

²⁶Mwongofu humwongoza mwenzake,

lakini njia zao wasiomcha Mungu huwapoteza.

²⁷Mwenye uvivu hamkimbizi nyama wake wa kuwinda,

lakini mali za mtu zilizo na kima ni kujihimiza kufanya kazi.

²⁸Katika njia ya wongofu ndipo, uzima ulipo;

njia hiyo inapopitia, kifo hakipo hapo.