Kuomba msaada wa Mungu.

¹Mungu, piga mbio, uniopoe! Bwana, pigambio, unisaidie![#Sh. 38:1.]

²Sharti wapatwe na soni wakiumbuliwa walioitafuta roho yangu. Sharti warudishwe nyuma na kutwezwa wao waliopendezwa na mabaya yaliyonipata mimi.

³Sharti warudi nyuma na kuona soni wale walioniambia: Weye! Weye!

⁴Sharti wachangamke na kufurahiwa wote wakutafutao! Waupendao wokovu wako waseme pasipo kukoma: Mkuu ni Mungu!

⁵Nami mnyonge, hata mkiwa; Mungu, piga mbio, unijie! Msaada wangu na wokovu wangu ndiwe wewe; wewe Bwana, usinikawilie!