KITABU CHA KWANZA

Njia mbili

¹Heri mtu yule asiyekwenda[#Mwa 5:24; Ayu 31:5; Zab 81:12; Mit 4:14]

Katika shauri la wasio haki;

Wala hakusimama katika njia ya wenye dhambi;

Wala hakuketi barazani pa wenye mizaha.

²Bali sheria ya BWANA ndiyo impendezayo,

Na sheria yake huitafakari mchana na usiku.

³Naye atakuwa kama mti uliopandwa[#Yer 17:8; Mwa 39:3; Zab 128:2]

Kandokando ya vijito vya maji,

Uzaao matunda yake kwa majira yake,

Wala jani lake halinyauki;

Na kila alitendalo litafanikiwa.

⁴Sivyo walivyo wasio haki;

Hao ni kama makapi yapeperushwayo na upepo.

⁵Kwa hiyo wasio haki hawatasimama hukumuni,

Wala wakosaji katika kusanyiko la wenye haki.

⁶Kwa kuwa BWANA anaijua njia ya wenye haki,[#Nah 1:7; Yn 10:14]

Bali njia ya wasio haki itapotea.