Mwamini Mungu kwa ukombozi kutoka kwa adui

¹Ee BWANA, uyasikilize maneno yangu,

Ukuangalie kutafakari kwangu.

²Uisikie sauti ya kilio changu,

Ee Mfalme wangu na Mungu wangu,

Kwa maana Wewe ndiwe nikuombaye.

³BWANA, asubuhi utaisikia sauti yangu,[#Zab 30:5]

Asubuhi nitakupangia dua yangu na kutazamia.

⁴Maana huwi Mungu apendezwaye na ubaya;[#Mal 2:17]

Mtu mwovu hatakaa kwako;

⁵Wajivunao hawatasimama mbele za macho yako;[#Zab 14:1; Hab 1:13]

Unawachukia wote watendao uovu.

⁶Utawaharibu wasemao uongo;

BWANA humchukia mwuaji na mwenye hila

⁷Bali mimi, kwa wingi wa fadhili zako,[#1 Fal 8:29]

Nitaingia nyumbani mwako;

Na kusujudu kwa kicho,

Nikilielekea hekalu lako takatifu.

⁸BWANA, uniongoze kwa haki yako,

Kwa sababu yao wanaoniotea.

Uinyoshe njia yako mbele ya uso wangu,

⁹Maana vinywani mwao hamna uaminifu;[#Rum 3:13]

Moyo wao ni shimo tupu, koo lao ni kaburi wazi,

Ulimi wao hujipendekeza.

¹⁰Wewe, Mungu, uwapatilize,

Na waanguke kwa mashauri yao.

Uwatoe nje kwa ajili ya wingi wa makosa yao,

Kwa maana wamekuasi Wewe.

¹¹Nao wote wanaokukimbilia watafurahi;[#1 Kor 2:9]

Watapiga kelele za furaha daima.

Kwa kuwa Wewe unawahifadhi,

Walipendao jina lako watakufurahia.

¹²Kwa maana Wewe utambariki mwenye haki;

BWANA, utamzungushia radhi kama ngao.