¹NDUGU, mtu ajapogbafilika katika kosa lo lote, ninyi mlio wa Roho mrudini mtu kama huyo kwa roho ya upole, ukijiangalia nafsi yako nsijaribiwe wewe mwenyewe.

²Mchukuliane mizigo mkaitimize hivyo sharia ya Kristo.

³Maana mtu akijiona kuwa kitu, nae si kitu, ajidanganya nafsi yake.

⁴Lakini killa mtu aipime kazi yake mwenyewe, ndipo atakuwa na sababu ya kujisifu kwa nafsi yake tu, wala si kwa kujilinganislia na mwenzake.

⁵Maana killa mtu atachukua mzigo wake mwenyewe.

⁶Mwanafunzi na amshirikishe mkufunzi wake katika mema yote.

⁷Msidanganyike, Mungu hadhihakiwi; cho chote apandacho mtu, ndicho atakachovuna.

⁸Maana yeye apandae kwa mwili wake, katika mwili atavuna uharibifu; bali yeye apandae kwa Roho, katika Roho atavima uzima wa milele.

⁹Na tusichoke katika kutenda mema; maana tutavuna kwa wakati wake, tusipozimia.

¹⁰Tuwapo na nafasi na tuwatendee watu wote mema; khassa watu walio wa nyumba ya imani.

¹¹Tazameni kwa harufi gani kubwa nimewaandikieni kwa mkono wangu mimi mwenyewe.

¹²Wote watakao kuonekana ni wazuri kwa mwili, ndio wanaokushurutisheni kutahiriwa: wasiudhiwe tu kwa ajili ya msalaba wa Kristo.

¹³Kwa maana hatta wao wenyewe waliotahiriwa hawaishiki sharia; bali wanataka ninyi mtahiriwe, wapate kujisifia miili yenu.

¹⁴Lakini mimi, hasha nisijisifie kitu illa msalaba wa Bwana wetu Yesu Kristo, kwa huo ulimwengu umesulibishwa kwangu, na mimi kwa ulimwengu.

¹⁵Kwa sababu kutahiriwa si kitu, wala kutokutahiriwa, bali kiumbe kipya.

¹⁶Na wote watakaoiendea kanuni hii, amani kwao na rehema, naam, kwa Israeli wa Mungu.

¹⁷Tangu sasa mtu asinitie taabu; kwa maana ninachiukua mwilini mwangu chapa zake Yesu.

¹⁸Neema ya Bwana wetu Yesu Kristo iwe pamoja na roho zenu. Amin.