¹BASSI kwa kuwa torati ni kivuli cha mema yatakayokuwa, wala si sura yenyewe ya mambo, kwa dhahihu zile zile wanazozitoa killa mwaka daima, hawawezi wakati wo wote kuwakamilisha wakaribiao.

²Kama wangeweza, wangeacha kuzitoa; kwa maana waabuduo, walipokwisha kusatishwa kwa marra moja, wasingejiona tena kuwa na dhamhi?

³Lakini katika hizo liko kumbukumbu la dhambi killa mwaka.

⁴Maana haiyumkini damu ya mafahali na mbuzi iondoe dhambi.

⁵Kwa biyo ajapo ulimwenguni, anena, Dhambi na toleo hukutaka, lakini mwili uliniwekea tayari:

⁶Kafara na sadaka za dhambi hukupendezwa nazo:

⁷Ndipo nilisema, Tazama, nimekuja (katika gombo la chuo nimeandikiwa) niyafanye mapenzi yako, Mungu.

⁸Hapo juu anenapo, Dhabihu na matoleo na kafara na sadaka za dhamhi hukuzitaka, wala hukupendezwa nazo (zitolewazo ilivyoamuru torati),

⁹ndipo alinena, Tazama, nimekuja niyafanye mapenzi yako. Aondoa la kwanza, illi kusudi alisimamishe la pili.

¹⁰Katika mapenzi hayo tumepata utakaso, kwa kutolewa mwili wa Yesu Kristo marra moja.

¹¹Na killa kuhani husimama killa siku akifanya ibada, akitoa dhabihu zilezile marra nyingi; nazo haziwezi kabisa kuondoa dhambi.

¹²Lakini huyu, alipokwisha kutoa dhabihu nioja kwa dhambi, idumuyo hatta milele, aliketi mkono wa kuume wa Mungu;

¹³akingojea hatta adui zake wawekwe kuwa chini ya miguu yake.

¹⁴Maana kwa toleo moja amewakamilisha hatta milele wanaotakaswa.

¹⁵Na Roho Mtakatifu yatushuhudia; kwa maana, baada ya kunena,

¹⁶Hili ni agano nitakalowapa baada ya siku zile, anna Bwana, Nitatia sharia zangu mioyoni mwao, na katika akili zao nitaziandika; ndipo anenapo.

¹⁷Dhambi zao na uasi wao sitaukumbuka tena kabisa.

¹⁸Bassi ondoleo la baya lilipo, hapana toleo tena kwa dhambi.

¹⁹Bassi, ndugu, kwa kuwa tuna ujasiri wa kupaingia patakatifu kwa damu ya Yesu,

²⁰njia aliyotuanzia mpya, hayi, ipenyayo katika pazia, yaani mwili wake;

²¹na Kuhani mkuu juu ya nyumba ya Mungu;

²²tukaribie wenye moyo wa kweli, kwa utimilifu wa imani, tumenyunyiziwa mioyo tuache dhamiri mbaya, tumeoshwa mwili kwa maji safi.

²³Tulishike sana ungamo la tumaini letu, lisigeuke; maana yeye aliyeahidi ni amini;

²⁴tukaangaliane kiasi cha kusukumana katika upendo na kazi nzuri;

²⁵tusiache kukusanyika pamoja, kama ilivyo desturi ya wengine; bali tukionyana; na tukizidi, kwa kadiri mwonavyo siku ile kuwa inakaribia.

²⁶Maana, kama tukifanya dhambi kusudi baada ya kuupokea ujuzi wa kweli, haibaki tena dhabihu kwa ajili ya dhambi;

²⁷bali kuitazamia hukumu kwenye kutisha, na ukali wa moto ulio tayari kuwala wao wapingao.

²⁸Mtu aliyeidharau sharia ya Musa, alikufa pasipo huruma, kwa neno la mashahidi wawili au watatu.

²⁹Mwaonaje? Haikumpasa adhabu iliyo kubwa zaidi mtu yule aliyemkanyaga Mwana wa Mungu, na kuihesabu damu ya agano aliyotakaswa nayo kuwa ni kitu ovyo, na kumfanyia jeuri Roho ya neema?

³⁰Maana twamjua yeye aliyesema, Kupatiliza kisasi ni juu yangu, mimi nitalipa. Na tena, Bwana atawahukumu watu wake.

³¹Ni jambo la kutisba kuanguka katika mikono ya Mungu aliye hayi.

³²Lakini zikumbukeni siku za kwanza, ambazo, mlipokwisha kutiwa nuru, mlistahimili mashindano makubwa ya maumivu;

³³pindi mlipotwezwa kwa mashutumu na mateso, na pindi mliposhirikiana na wale waliotendewa hayo.

³⁴Maana mliwaonea huruma wale waliokuwa katika mafungo, mkakubali kwa furaba kunyangʼauywa mali zenu, mkijua nafsini mwenu kwamba mna mali mbinguni iliyo njema zaidi, idumnyo.

³⁵Bassi msiutupe njasiri wenu, kwa maana una thawabu kuu.

³⁶Maana mnahitaji uvumilivu, illi mkiisha kuyafanya mapenzi ya Mungu muipate abadi.

³⁷Kwa kuwa bado kitambo kidogo sana, Yeye ajae atakuja, wala hatakawia.

³⁸Lakini mwenye haki ataishi kwa imani; nae akisitasita, roho yangu haina furaha nae.

³⁹Lakini sisi hatumo miongoni mwao wasitao na kupotea, bali miongoni mwao walio na imani ya kutuokoa roho zetu.