MGA AWIT 125

Ang Panginoon ay laging sumasa kaniyang bayan. Awit sa mga Pagsampa.

¹Silang nagsisitiwala sa Panginoon

Ay parang bundok ng Sion, na hindi maaaring makilos, kundi nananatili magpakailan man.

²Kung paanong ang mga bundok na nangasa palibot ng Jerusalem,

Gayon ang Panginoon sa palibot ng kaniyang bayan,

Mula sa panahong ito at sa magpakailan man.

³Sapagka't ang cetro ng kasamaan ay hindi bubuhatin sa mga matuwid;[#Kaw. 22:3; Is. 14:5.; #Awit 16:5.]

Upang huwag iunat ng mga matuwid ang kanilang mga kamay sa kasamaan.

⁴Gawan mo ng mabuti, Oh Panginoon, yaong mabubuti,

At yaong matutuwid sa kanilang mga puso.

⁵Nguni't sa nagsisiliko sa kanilang mga likong lakad,[#Kaw. 2:15.]

Ilalabas ng Panginoon na kasama ng mga manggagawa ng kasamaan.

Kapayapaan nawa ay suma Israel.