Mateo 1

Ang mga Ninuno ni Hesus

²Si Abraham ang ama ni Isaac,

si Isaac ang ama ni Jacob,

at si Jacob ang ama ni Juda at ng kanyang mga kapatid,

³si Juda ang ama nina Perez at Zera, at sila ay mga anak niya kay Tamar,

si Perez ang ama ni Hezron,

si Hezron ang ama ni Ram,

⁴si Ram ang ama ni Aminadab,

si Aminadab ang ama ni Naason,

si Naason ang ama ni Salmon,

⁵si Salmon ang ama ni Boaz, at si Rahab ang kanyang ina,

si Boaz ang ama ni Obed, at si Ruth ang kanyang ina,

si Obed ang ama ni Jesse,

⁶at si Jesse ang ama ni Haring David.

Si David ang ama ni Solomon (ang kanyang ina ay si Batsheba na dating asawa ni Urias),

⁷si Solomon ang ama ni Rehoboam,

si Rehoboam ang ama ni Abias,

si Abias ang ama ni Asa.

⁸Si Asa ang ama ni Jehoshafat,

si Jehoshafat ang ama ni Jehoram,

si Jehoram ang ama ni Uzias,

⁹si Uzias ang ama ni Jotam,

si Jotam ang ama ni Ahaz,

si Ahaz ang ama ni Ezequias,

¹⁰si Ezequias ang ama ni Manases,

si Manases ang ama ni Amon,

si Amon ang ama ni Josias,

¹¹si Josias ang ama ni Jeconias at ng kanyang mga kapatid; silaʼy ipinanganak noong panahong binihag at dinala sa Babilonia ang mga taga-Juda.[#1:11 O Jehoyakin . Tingnan din sa talata 12|MAT 1:12.]

Si Jeconias ang ama ni Salatiel,

si Salatiel ang ama ni Zerubabel,

¹³at si Zerubabel ang ama ni Abiud,

si Abiud ang ama ni Eliakim,

si Eliakim ang ama ni Azor,

¹⁴at si Azor ang ama ni Sadoc,

si Sadoc ang ama ni Akim,

si Akim ang ama ni Elihud,

¹⁵at si Elihud ang ama ni Eleazar,

si Eleazar ang ama ni Matan,

si Matan ang ama ni Jacob,

¹⁶at si Jacob ang ama ni Jose na ang asawaʼy si Maria. Si Maria ang ina ni Hesus na tinatawag na Mesias.

Ang Kapanganakan ni Hesus, ang Mesias

¹⁸Ganito nangyari ang kapanganakan ni Hesus, ang Mesias: Si Maria na kanyang ina ay ipinagkasundong ikasal kay Jose. Ngunit bago pa sila ikasal, nalaman ni Maria na siyaʼy nagdadalantao sa pamamagitan ng Banal na Espiritu.

¹⁹Si Jose na mapapangasawa niya ay isang matuwid na tao at ayaw nitong malagay sa kahihiyan si Maria, kaya ipinasya niyang hiwalayan na lang si Maria nang palihim.

²⁰Ngunit habang pinag-iisipan niya ito, may isang anghel ng Panginoon na nagpakita sa kanya sa panaginip. Sinabi nito, “Jose, anak ni David, huwag kang matakot na pakasalan si Maria dahil ang ipinagbubuntis niyaʼy mula sa Banal na Espiritu.

²¹Manganganak siya ng isang lalaki at papangalanan mo siyang Hesus dahil ililigtas niya ang kanyang bayan sa kanilang mga kasalanan.”[#1:21 Ang ibig sabihin ng pangalang sa wikang Hebreo ay “nagliligtas ang ”]

²²Nangyari ang lahat ng ito para matupad ang sinabi ng Panginoon sa pamamagitan ng propeta:

²³“Magdadalantao ang isang birhen at manganganak ng isang lalaki. Tatawagin siyang Immanuel” (na ang ibig sabihin ay “Kasama natin ang Diyos”).[#1:23 : O dalaga.; #1:23 Isa. 7:14.]

²⁴Nang magising si Jose, ginawa nga niya ang ipinag-utos ng anghel ng Panginoon at pinakasalan si Maria.

²⁵Ngunit hindi siya sumiping kay Maria hanggang sa maipanganak nito ang sanggol. Nang maisilang na ang sanggol, pinangalanan siya ni Jose ng Hesus.