Mga Bilang 34

Ang mga Hangganan ng Canaan

¹Sinabi ng Panginoon kay Moises,

²“Sabihin mo sa mga Israelita na kung papasok na sila sa Canaan, ito ang mga hangganan ng lupain na kanilang mamanahin:

³“Ang hangganan sa timog ay ang ilang ng Zin sa may hangganan ng Edom. Magsisimula ito sa katimugang bahagi ng Dagat na Patay.[#34:3 : Sa literal, napakaalat na dagat. Ganito rin sa talata 12|NUM 34:12.]

⁴At liliko ito patimog papunta sa Daang Paahon ng Akrabim, hanggang sa ilang ng Zin, at magpapatuloy sa timog ng Kades-barnea. Pagkatapos, tutuloy ito sa Hazar Adar hanggang sa Azmon,

⁵at liliko papunta sa Lambak ng Ehipto at magtatapos sa Dagat ng Mediteraneo.

⁶“Ang hangganan sa kanluran ay ang Dagat ng Mediteraneo.

⁷“Ang hangganan sa hilaga ay magmumula sa Dagat ng Mediteraneo papunta sa Bundok ng Hor,

⁸at mula sa Bundok ng Hor papunta sa Lebo-hamat. Magpapatuloy ito sa Zedad,

⁹hanggang sa Zifron at magtatapos sa Hazar Enan.

¹⁰“Ang hangganan sa silangan ay magmumula sa Hazar Enan papunta sa Shefam.

¹¹Pagkatapos, bababa ito papunta sa Ribla, sa bandang silangan ng Ain, at magpapatuloy ito sa mga burol sa silangan ng Lawa ng Galilea.[#34:11 : Sa Hebreo, Lawa ng Kineret.]

¹²Pagkatapos, bababa ito sa Jordan at magtatapos sa Dagat na Patay.

“Ito ang inyong lupain, at ang mga hangganan nito sa palibot.”

¹³Pagkatapos, sinabi ni Moises sa mga Israelita, “Hatiin ninyo ang mga lupaing ito bilang inyong mana sa pamamagitan ng palabunutan. Sinabi ng Panginoon na ibigay ito sa siyam at kalahating lahi,

^14-15Dahil ang lahi nina Ruben, Gad, at ng kalahating lahi ni Manases ay nakatanggap na ng kanilang mana sa bandang silangan ng Jordan malapit sa Jerico.”

¹⁶Sinabi ng Panginoon kay Moises,

¹⁷“Sina Eleazar na pari at Josue na anak ni Nun ang maghahati-hati ng lupain para sa mga tao.

¹⁸At pumili ka ng isang pinuno sa bawat lahi para tulungan sila sa paghahati ng lupain.”

“mula sa lahi ni Juda, si Caleb na anak ni Jefune;

²⁰mula sa lahi ni Simeon, si Shemuel na anak ni Amihud;

²¹mula sa lahi ni Benjamin, si Elidad na anak ni Kislon;

²²mula sa lahi ni Dan, ang pinuno ay si Buki na anak ni Jogli;

²³mula sa lahi ni Manases na anak ni Jose, si Haniel na anak ni Efod;

²⁴mula sa lahi ni Efraim na anak ni Jose, si Kemuel na anak ni Siftan;

²⁵mula sa lahi ni Zebulun, si Elizafan na anak ni Parnac;

²⁶mula sa lahi ni Isacar, si Paltiel na anak ni Azan;

²⁷mula sa lahi ni Asher, si Ahihud na anak ni Shelomi;

²⁸mula sa lahi ni Neftali, si Pedahel na anak ni Amihud.”