Utukufu wa Mungu na cheo cha binadamu

¹Ee Mwenyezi-Mungu, Bwana wetu,

kweli jina lako latukuka duniani kote!

Utukufu wako waenea mpaka juu ya mbingu!

²Kwa sifa za watoto wadogo na wanyonyao,

umejiwekea ngome dhidi ya adui zako,

uwakomeshe waasi na wapinzani wako.

³Nikiangalia mbingu, kazi ya vidole vyako,

mwezi na nyota ulizozisimika huko,

⁴mtu ni nini, ee Mungu, hata umfikirie,[#Taz Zab 144:3; Ebr 2:6-8]

binadamu ni nini hata umjali?

⁵Umemfanya awe karibu kama Mungu,

umemvika fahari na heshima.

⁶Ulimpa madaraka juu ya kazi zako zote;[#Taz 1Kor 15:27; Efe 1:22; Ebr 2:8]

uliviweka viumbe vyote chini ya mamlaka yake:

⁷Kondoo, ng'ombe, na wanyama wa porini;

⁸ndege, samaki, na viumbe vyote vya baharini.

⁹Ee Mwenyezi-Mungu, Bwana wetu,

kweli jina lako latukuka duniani kote!