Maisha na huduma ya awali ya Yesu

Kumbukumbu za ukoo wa Yesu Kristo

²Abrahamu akamzaa Isaka,

Isaka akamzaa Yakobo,

Yakobo akawazaa Yuda na ndugu zake,

³Yuda akawazaa Peresi na Zera, ambao mama yao alikuwa Tamari,

Peresi akamzaa Esromu,

Esromu akamzaa Aramu,

⁴Aramu akamzaa Aminadabu,

Aminadabu akamzaa Nashoni,

Nashoni akamzaa Salmoni,

⁵Salmoni akamzaa Boazi, na mama yake Boazi alikuwa Rahabu,

Boazi akamzaa Obedi, ambaye mama yake alikuwa Ruthu,

Obedi akamzaa Yese,

⁶Yese akamzaa Daudi, aliyekuwa mfalme.

Daudi akamzaa Sulemani, ambaye mama yake ni yule aliyekuwa mke wa Uria.

⁷Sulemani akamzaa Rehoboamu,

Rehoboamu akamzaa Abiya,

Abiya akamzaa Asa,

⁸Asa akamzaa Yehoshafati,

Yehoshafati akamzaa Yoramu,

Yoramu akamzaa Uzia,

⁹Uzia akamzaa Yothamu,

Yothamu akamzaa Ahazi,

Ahazi akamzaa Hezekia,

¹⁰Hezekia akamzaa Manase,

Manase akamzaa Amoni,

Amoni akamzaa Yosia,

¹¹wakati wa uhamisho wa Babeli, Yosia alimzaa Yekonia na ndugu zake.

Yekonia alimzaa Shealtieli,

Shealtieli akamzaa Zerubabeli,

¹³Zerubabeli akamzaa Abihudi,

Abihudi akamzaa Eliakimu,

Eliakimu akamzaa Azori,

¹⁴Azori akamzaa Sadoki,

Sadoki akamzaa Akimu,

Akimu akamzaa Eliudi,

¹⁵Eliudi akamzaa Eleazari,

Eleazari akamzaa Matani,

Matani akamzaa Yakobo,

¹⁶naye Yakobo akamzaa Yusufu, aliyekuwa mumewe Mariamu, mama yake Yesu, aitwaye Kristo.[#1:16 maana yake Masiya , yaani Aliyetiwa mafuta.]

Kuzaliwa kwa Yesu

¹⁸Kuzaliwa kwake Yesu Kristo kulikuwa hivi: Mariamu mama yake alikuwa ameposwa na Yusufu, lakini kabla hawajakutana kimwili, Mariamu alionekana kuwa na mimba kwa uweza wa Roho Mtakatifu.

¹⁹Kwa kuwa Yusufu, mwanaume aliyekuwa amemposa alikuwa mtu mwadilifu, hakutaka kumwaibisha Mariamu hadharani, hivyo basi alikusudia kumwacha kwa siri.

²⁰Lakini alipokuwa akifikiri kufanya jambo hili, malaika wa Bwana akamtokea katika ndoto na kusema, “Yusufu mwana wa Daudi, usiogope kumchukua Mariamu awe mke wako, kwa maana mimba aliyo nayo ni kwa uweza wa Roho Mtakatifu.

²¹Naye atamzaa mwana, nawe utamwita jina Yesu, kwa maana yeye ndiye atakayewaokoa watu wake kutoka dhambi zao.”[#1:21 ni kwa Kiyunani, na kwa Kiebrania ni Yoshua au Yeshua ; maana yake Yehova ni wokovu.]

²²Haya yote yalitukia ili litimie lile Bwana alilonena kupitia nabii, aliposema:

²³“Tazama, bikira atachukua mimba, naye atamzaa mwana, nao watamwita jina Imanueli” (maana yake, “Mungu pamoja nasi”).[#1:23 Isa 7:14]

²⁴Yusufu alipoamka kutoka usingizini, akafanya jinsi alivyoagizwa na malaika wa Bwana, akamchukua Mariamu kuwa mke wake.

²⁵Lakini hawakukutana kimwili hadi Mariamu alipojifungua mwanawe; akamwita jina Yesu.[#1:25 tafsiri zingine husema kifungua mimba]