Zaburi 3

Sala ya asubuhi ya kuomba msaada

¹Ee Bwana , tazama adui zangu walivyo wengi!

Ni wengi kiasi gani wanaoinuka dhidi yangu!

²Wengi wanasema juu yangu,

“Mungu hatamwokoa.”

³Lakini wewe, Ee Bwana , ni ngao yangu pande zote;

umeniwekea utukufu na kuinua kichwa changu.

⁴Ninamlilia Bwana kwa sauti kuu,

naye ananijibu kutoka mlima wake mtakatifu.

⁵Ninajilaza na kupata usingizi;

naamka tena, kwa maana Bwana hunitegemeza.

⁶Sitaogopa makumi elfu ya adui,

wanaojipanga dhidi yangu kila upande.

⁷Ee Bwana , amka!

Niokoe, Ee Mungu wangu!

Wapige adui zangu wote kwenye taya,

vunja meno ya waovu.

⁸Kwa maana wokovu watoka kwa Bwana .

Baraka yako na iwe juu ya watu wako.