Zaburi 8

Utukufu wa Mungu na heshima ya mwanadamu

¹Ee Bwana , Bwana wetu,

tazama jinsi lilivyo tukufu jina lako duniani kote!

Umeuweka utukufu wako

juu ya mbingu.

²Midomoni mwa watoto wachanga na wanaonyonya

umeamuru sifa,

kwa sababu ya watesi wako,

kumnyamazisha adui na mlipiza kisasi.

³Nikiziangalia mbingu zako,

kazi ya vidole vyako,

mwezi na nyota,

ulizoziratibisha,

⁴mwanadamu ni kitu gani hata unamfikiria,

binadamu ni nani hata unamjali?

⁵Umemfanya chini kidogo kuliko viumbe wa mbinguni,

ukamvika taji la utukufu na heshima.

⁶Umemfanya mtawala juu ya kazi za mikono yako;

umeweka vitu vyote chini ya miguu yake.

⁷Mifugo na makundi yote pia,

naam, na wanyama wa kondeni,

⁸ndege wa angani na samaki wa baharini,

naam, kila kinachoogelea katika njia za bahari.

⁹Ee Bwana , Bwana wetu,

tazama jinsi lilivyo tukufu jina lako duniani kote!