Sala ya ushindi

¹BWANA akujibu siku ya dhiki,[#Isa 50:10]

Jina la Mungu wa Yakobo likuinue.

²Akutumie msaada toka patakatifu pake,

Na kukutegemeza toka Sayuni.

³Azikumbuke sadaka zako zote,

Na kuzitakabali dhabihu zako.

⁴Akujalie kwa kadiri ya haja ya moyo wako,[#1 Yoh 5:14,15]

Na kukutimizia mipango yako yote.

⁵Na tuushangilie wokovu wako,[#Isa 12:1,2; 1 Sam 17:45]

Kwa jina la Mungu wetu tuzitweke bendera zetu.

BWANA akutimizie matakwa yako yote.

⁶Sasa najua kuwa BWANA amwokoa masihi wake;[#20:6 Au, mtiwa mafuta.]

Atamjibu toka mbingu zake takatifu,

Kwa matendo makuu ya wokovu

Ya mkono wake wa kulia.

⁷Hawa wanataja magari na hawa farasi,[#Amu 7:7]

Lakini sisi tutalitaja jina la BWANA, Mungu wetu.

⁸Wao wameinama na kuanguka,

Bali sisi tumeinuka na kusimama.

⁹BWANA, umwokoe mfalme,

Utuitikie siku tuitayo.