Utukufu wa Mungu na hadhi ya utu

¹Ee, MUNGU, Bwana wetu

Jinsi lilivyo tukufu jina lako duniani kote!

Wewe umeuweka utukufu wako mbinguni;

²Vinywani mwa watoto wachanga na wanyonyao[#Mt 21:16; 11:25; 1 Kor 1:27]

Umeiweka misingi ya nguvu;

Kwa sababu yao wanaoshindana nawe;

Uwakomeshe adui na mjilipiza kisasi.

³Nikiziangalia mbingu zako, kazi ya vidole vyako,[#Zab 44:16; 19:1; Ayu 22:12; Rum 1:20]

Mwezi na nyota ulizoziratibisha;

⁴Mtu ni kitu gani hata umkumbuke,[#Ayu 7:17-18; Zab 144:3; Ebr 2:6-8]

Na binadamu hata umwangalie?

⁵Umemfanya mdogo kuliko Mungu;

Umemvika taji la utukufu na heshima;

⁶Umemtawaza juu ya kazi za mikono yako;[#1 Kor 15:27; Efe 1:22; Ebr 2:8; Mwa 1:26]

Umevitia vitu vyote chini ya miguu yake.

⁷Kondoo, na ng'ombe wote pia;

Naam, na wanyama wa porini;

⁸Ndege wa angani, na samaki wa baharini;

Na kila kipitacho njia za baharini.

⁹Wewe, MUNGU, Bwana wetu,[#Ayu 11:7; Zab 35:10]

Jinsi lilivyo tukufu jina lako duniani kote!