¹LAKINI nasema ya kuwa mrithi, wakati wote awapo mtoto, hana tofauti na mtumwa, ajapokuwa bwana wa yote;

²bali yu chini ya mawakili na watunzaji, hatta muhulla uliokwisha kuamriwa na baba.

³Kadhalika na sisi, tulipokuwa watoto, tulikuwa tukitumikishwa na kawaida za kwanza za dunia.

⁴Hatta ulipowadia utimilifu wa wakati, Mungu alimtuma Mwana wake, amezaliwa na mwanamke, amezaliwa chini ya sharia,

⁵illi awakomboe waliokuwa chini ya sharia, tupate kupokea hali ya wana.

⁶Na kwa kuwa ninyi ni wana, Mungu alimtuma Roho ya Mwana wake mioyoni mwenu, aliaye, Abba, Baba.

⁷Kama ni hivyo, wewe si mtumwa tena bali mwana; na kama u mwana, bassi, u mrithi wa Mungu kwa Kristo.

⁸Lakini wakati ule, kwa kuwa hamkujua Mungu, mliwatumikia wao ambao kwa asili si miungu.

⁹Bali sasa, mkiisha kumjua Mungu, ya nini kurejea tena kwa mafundisho ya kwanza yaliyo manyonge na yenye upungufu ambayo mnataka kuyatumikia tena.

¹⁰Mnashika siku, na miezi, na nyakati, na miaka.

¹¹Nawachelea, isiwe labda nimejitaabisha burre kwenu.

¹²Nakusihini, ndugu, mwe kama mimi, maana mimi kama ninyi. Hamkunidhulumu neno.

¹³Lakini mwajua ya kuwa naliwakhubiri Injili marra ya kwanza kwa sababu ya ndhaifu wa mwili;

¹⁴na jaribu lililowapata katika mwili wangu hamkulidharau wala kulikataa, bali mlinipokea kama malaika wa Mungu, kama Yesu Kristo.

¹⁵Ku wapi, bassi, kule kujiita kheri? Maana nawashuhudia, kwamba, kama ingaliwezekana, mngaliugʼoa macho yenu, mkanipa mimi.

¹⁶Bassi, je! nimekuwa adui wenu kwa sababu nawa ambieni yaliyo kweli?

¹⁷Wao wawaonea uinyi shauku lakini si kwa vema bali wanataka kuwafungia mlango illi ninyi mwaonee wao shauku.

¹⁸Na ni vyema kuonewa shauku katika neno jema siku zote, wala si wakati nikiwapo mimi tu.

¹⁹Vitoto vyangu, ambao nawaonea utungu tena mpaka Kristo aumbike ndani yenu.

²⁰Naam, ningependa kuwa pamoja nanyi sasa, na kuigeuza santi yangu; maana nawaonea maashaka.

²¹Niambieni, ninyi ninaotaka kuwa chini ya sharia, hamwisikii torati?

²²Kwa maana, imeandikwa, Ibrahimu alikuwa na wana wawili, mmoja kwa mjakazi, na mmoja kwa mwungwana.

²³Lakini yule wa mjakazi alizaliwa kwa mwili, yule wa mwungwana kwa ahadi.

²⁴Mambo haya husemwa kwa mfano; kwa maana hawa ndio maagano mawili, moja toka mlima Sinai, lizaalo kwa utumwa, ndio Hajir.

²⁵Maana Hajir ni mlima Sinai ulioko Arabuni, umelingana na Yerusalemi wa sasa; kwa kuwa anatumika pamoja na watoto wake.

²⁶Bali Yerusalemi wa juu ni mwungwana, ndio mama yetu sisi.

²⁷Kwa maana imeandikwa,

Fanya furaha, tassa usiyezaa;

Paaza sauti, ukalie, wewe usiye na utungu;

Kwa sababu watoto wake aliyeachwa ni wengi kuliko wake aliye na mume.

²⁸Sisi, ndugu, kama Isaak, tu watoto wa ahadi.

²⁹Lakini kama vile siku zile yule aliyezaliwa kwa mwili alimwudhi yule aliyezaliwa kwa Roho, vivyo hivyo na sasa.

³⁰Lakini lanenani Andiko? Mtupe nje mjakazi na mwana wake, kwa maana mwana wa mjakazi hatarithi kabisa pamoja na mwana wa mwungwana.

³¹Kwa hiyo, ndugu, sisi si watoto wa mjakazi, hali wake aliye mwungwana.