Mtu asiyemcha Mungu

¹Wapumbavu hujisemea moyoni:[#Rom 3:10-12]

“Hakuna Mungu!”

Wote wamepotoka kabisa,

wametenda mambo ya kuchukiza;

hakuna hata mmoja atendaye jema.

²Mungu anawaangalia wanadamu kutoka mbinguni,

aone kama kuna yeyote mwenye busara,

kama kuna yeyote anayemtafuta Mungu.

³Lakini wote wamekosa,

wote wamepotoka pamoja,

hakuna atendaye mema,

hakuna hata mmoja.

⁴“Je, hao watendao maovu hawana akili?

Wanawatafuna watu wangu kama mikate;

wala hawanijali mimi Mungu!”

⁵Hapo watashikwa na hofu kubwa,

hofu ambayo hawajapata kuiona;

maana Mungu ataitawanya mifupa ya adui,

hao wataaibika maana Mungu amewakataa.

⁶Laiti ukombozi wa Israeli ungefika kutoka Siyoni!

Mungu atakaporekebisha hali ya watu wake,

wazawa wa Yakobo watashangilia;

Waisraeli watafurahi.