1 Mambo 6

Vizazi vya Lawi.

¹Wana wa Lawi: Gersoni, Kehati na Merari.[#1 Mambo 6:16,18.]

²Nao wana wa Kehati: Amuramu, Isihari na Heburoni na Uzieli.[#1 Mambo 6:50-53; 2 Mose 6:20,23,25.]

³Nao wana wa Amuramu: Haroni na Mose na Miriamu; nao wana wa Haroni: Nadabu na Abihu, Elazari na Itamari.

⁴Elazari akamzaa Pinehasi, Pinehasi akamzaa Abisua.

⁵Naye Abisua akamzaa Buki, naye Buki akamzaa Uzi.

⁶Naye Uzi akamzaa Zeraya, naye Zeraya akamzaa Merayoti.

⁷Merayoti akamzaa Amaria, naye Amaria akamzaa Ahitubu.

⁸Naye Ahitubu akamzaa Sadoki, naye Sadoki akamzaa Ahimasi.[#2 Sam. 8:17; 15:27,36.]

⁹Naye Ahimasi akamzaa Azaria, naye Azaria akamzaa Yohana.

¹⁰Naye Yohana akamzaa Azaria; huyu ndiye aliyekuwa mtambikaji katika Nyumba hiyo, Salomo aliyoijenga Yerusalemu.

¹¹Azaria akamzaa Amaria, naye Amaria akamzaa Ahitubu.

¹²Naye Ahitubu akamzaa Sadoki, naye Sadoki akamzaa Salumu.

¹³Naye Salumu akamzaa Hilkia, naye Hilkia akamzaa Azaria.[#2 Fal. 22:4.]

¹⁴Naye Azaria akamzaa Seraya, naye Seraya akamzaa Yosadaki.[#2 Fal. 25:18; Ezr. 7:1; Neh. 12:26.]

¹⁵Naye Yosadaki ndiye aliyekwenda nao Wayuda na Wayerusalemu, Bwana alipowahamisha kwa mkono wa Nebukadinesari.[#2 Fal. 25:21.]

¹⁶Wana wa Lawi: Gersomu, Kehati na Merari.

¹⁷Nayo haya ndiyo majina ya wana wa Gersomu: Libuni na Simei.[#2 Mose 6:16-19; 1 Mambo 6:1.]

¹⁸Nao wana wa Kehati: Amuramu na Isihari na Heburoni na Uzieli.

¹⁹Wana wa Merari: Mahali na Musi; huu ndio ukoo wao Walawi kwa milango ya baba zao.

²⁰Wagersomu: Mwanawe Libuni, mwanawe huyo Yahati, mwanawe huyo Zima,

²¹mwanawe huyo Yoa, mwanawe huyo Ido, mwanawe huyo Zera, mwanawe huyo Yatiri.

²²Wana wa Kehati: Mwanawe Aminadabu, mwanawe huyo Kora, mwanawe huyo Asiri,[#2 Mose 6:24.]

²³mwanawe huyo Elkana, mwanawe huyo Ebiasafu, mwanawe huyo Asiri,

²⁴mwanawe huyo Tahati, mwanawe huyo Urieli, mwanawe huyo Uzia, mwanawe huyo Sauli.

²⁵Nao wana wa Elkana: Amasai na Ahimoti;

²⁶mwanawe huyo Elkana, wanawe yeye Elkana: mwanawe Sofai, naye mwanawe huyo Nahati,

²⁷mwanawe huyo Eliabu, mwanawe huyo Yerohamu, mwanawe huyo Elkana, (mwanawe huyo Samweli).[#1 Sam. 1:1.]

²⁸Nao wana wa Samweli: Mzaliwa wa kwanza (Yoeli), tena wa pili Abia.[#1 Sam. 8:2.]

²⁹Wana wa Merari: Mahali, mwanawe huyo Libuni, mwanawe huyo Simei, mwanawe huyo Uza,

³⁰mwanawe huyo Simea, mwanawe huyo Hagia, mwanawe huyo Asaya.

Waimbaji wa Kilawi.

³¹Hawa ndio, Dawidi aliowaweka kwa ajili ya kuimba Nyumbani mwa Bwana, lile Sanduku lilipokuwa limekwisha kutua.

³²Nao walikuwa wakitumika mbele ya Kao la Hema la Mkutano kwa kuimba, mpaka Salomo alipoijenga Nyumba ya Bwana mle Yerusalemu, wakasimama katika kazi zao na kupokeana zamu kama desturi yao.

³³Nao hao ndio waliosimama katika kazi zao nao wana wao miongoni mwa wana wa Kehati: Mwimbishaji Hemani, mwana wa Yoeli, mwana wa Samweli,[#1 Mambo 15:17.]

³⁴mwana wa Elkana, mwana wa Yerohamu, mwana wa Elieli, mwana wa Toa,

³⁵mwana wa Sufu, mwana wa Elkana, mwana wa Mahati, mwana wa Amasai,

³⁶mwana wa Elkana, mwana wa Yoeli, mwana wa Azaria, mwana wa Sefania,

³⁷mwana wa Tahati, mwana wa Asiri, mwana wa Ebiasafu, mwana wa Kora,

³⁸mwana wa Isihari, mwana wa Kehati, mwana wa Lawi, mwana wa Isiraeli.

³⁹Naye ndugu yake Asafu alisimama kuumeni kwake; Asafu alikuwa mwana wa Berekia, mwana wa Simea,[#1 Mambo 15:17.]

⁴⁰mwana wa Mikaeli, mwana wa Basea, mwana wa Malkia,

⁴¹mwana wa Etini, mwana wa Zera, mwana wa Adaya,

⁴²mwana wa Etani, mwana wa Zima, mwana wa Simei,

⁴³mwana wa Yahati, mwana wa Gersomu, mwana wa Lawi.

⁴⁴Nako kushotoni walisimama ndugu zao wana wa Merari: Etani, mwana wa Kisi, mwana wa Abudi, mwana wa Maluki,[#1 Mambo 15:17.]

⁴⁵mwana wa Hasabia, mwana wa Amasia, mwana wa Hilkia,

⁴⁶mwana wa Amusi, mwana wa Bani, mwana wa Semeri,

⁴⁷mwana wa Mahali, mwana wa Musi, mwana wa Merari, mwana wa Lawi.

Walawi waliotumikia Nyumbani mwa Mungu.

⁴⁸Ndugu zao Walawi wengine walikuwa wamepewa kazi zote za utumishi wa Kao la Nyumba ya Mungu.

⁴⁹Naye Haroni na wanawe walikuwa wakivukiza hapo pa kuteketezea ng'ombe za tambiko napo hapo pa kuvukizia, tena walizifanya kazi zote za hapo Patakatifu Penyewe, wawapatie Waisiraeli upozi wakifanya yote, kama Mose, mtumishi wa Mungu, alivyowaagiza.[#2 Mose 28:1; 3 Mose 16.]

⁵⁰Nao hawa ndio wana wa Aroni: Mwanawe Elazari, mwanawe huyo Pinehasi, mwanawe huyo Abisua,[#1 Mambo 6:3-8.]

⁵¹mwanawe huyo Buki, mwanawe huyo Uzi, mwanawe huyo Zeraya,

⁵²mwanawe huyo Merayoti, mwanawe huyo Amaria, mwanawe huyo Ahitubu,

⁵³mwanawe huyo Sadoki, mwanawe huyo Ahimasi.

Miji ya Walawi.

⁵⁴Nayo haya ndiyo makao yao, walikotua katika mipaka yao: miongoni mwao wana wa Haroni ukoo wao Wakehati walipatwa na kura ya kwanza,

⁵⁵kwa hiyo wakawapa Heburoni katika nchi ya Yuda pamoja na malisho yake yaliyouzunguka.

⁵⁶Lakini mashamba ya huo mji na vijiji vyake wakampa Kalebu, mwana wa Yefune.

⁵⁷Tena wakawapa wana wa Haroni miji ya kukimbilia ya Heburoni, tena Libuna pamoja na malisho yake na Yatiri na Estemoa pamoja na malisho yake

⁵⁸na Hileni pamoja na malisho yake na Debiri pamoja na malisho yake

⁵⁹na Asani pamoja na malisho yake na Beti-Semesi pamoja na malisho yake.

⁶⁰Tena katika shina la Benyamini Geba pamoja na malisho yake na Alemeti pamoja na malisho yake na Anatoti pamoja na malisho yake. Miji yao yote ilikuwa 13 kwa hesabu ya koo zao.

⁶¹Nao wana wa Kehati waliosalia walipewa miji 10 kwa kupigiwa kura katika ukoo wa hilo shina (Efuraimu), tena katika nusu ya shina la nusu ya Manase.[#1 Mambo 6:66-70.]

⁶²Nao wana wa Gersomu walipewa miji 13, iwe ya ukoo wao katika shina la Isakari na katika shina la Aseri na katika shina la Nafutali na katika shina la Manase huko Basani.[#1 Mambo 6:71-76.]

⁶³Nao wana wa Merari walipewa kwa kupigiwa kura miji 12, iwe ya ukoo wao katika shina la Rubeni na katika shina la Gadi na katika shina la Zebuluni.[#1 Mambo 6:77-81.]

⁶⁴Ndivyo, wana wa Isiraeli walivyowapa Walawi hiyo miji pamoja na malisho yao.

⁶⁵Wakawapa kwa kuipigia kura ile miji, iliyotajwa majina yao katika shina la wana wa Yuda na katika shina la wana wa Simeoni na katika shina la wana wa Benyamini.[#1 Mambo 6:55-60.]

⁶⁶Nao wengine waliokuwa wa ukoo wa wana wa Kehati walipata miji katika shina la Efuraimu, iwe yao.

⁶⁷Wakawapa miji ya kukimbilia ya Sikemu pamoja na malisho yake milimani kwa Efuraimu, tena Gezeri pamoja na malisho yake

⁶⁸na Yokimamu pamoja na malisho yake na Beti-Horoni pamoja na malisho yake

⁶⁹na Ayaloni pamoja na malisho yake na Gati-Rimoni pamoja na malisho yake.

⁷⁰Tena katika nusu ya shina la Manase Aneri pamoja na malisho yake na Bileamu pamoja na malisho yake. Hii ilikuwa yao wengine wa ukoo wa wana wa Kehati waliosalia.

⁷¹Wana wa Gersomu walipata katika ukoo wao wa nusu ya shina la Manase Golani ulioko Basani pamoja na malisho yake na Astaroti pamoja na malisho yake.

⁷²Tena katika shina la Isakari: Kedesi pamoja na malisho yake na Daberati pamoja na malisho yake

⁷³na Ramoti pamoja na malisho yake na Anemu pamoja na malisho yake.

⁷⁴Tena katika shina la Aseri: Masali pamoja na malisho yake na Abudoni pamoja na malisho yake

⁷⁵na Hukoki pamoja na malisho yake na Rehobu pamoja na malisho yake.

⁷⁶Tena katika shina la Nafutali: Kedesi wa Galili pamoja na malisho yake na Hamoni pamoja na malisho yake na Kiriataimu pamoja na malisho yake.

⁷⁷Wana wa Merari waliosalia walipata katika shina la Zebuluni: Rimoni pamoja na malisho yake na Tabori pamoja na malisho yake;

⁷⁸tena ng'ambo ya pili ya Yordani kuelekea Yeriko upande wa Yordani wa maawioni kwa jua katika shina la Rubeni: Beseri wa nyikani pamoja na malisho yake na Yasa pamoja na malisho yake

⁷⁹na Kedemoti pamoja na malisho yake na Mefati pamoja na malisho yake.

⁸⁰Tena katika shina la Gadi: Ramoti wa Gileadi pamoja na malisho yake na Mahanaimu pamoja na malisho yake

⁸¹na Hesiboni pamoja na malisho yake na Yazeri pamoja na malisho yake.