Zab 78

Wema wa Mungu na Israeli Kukosa Shukrani

¹Enyi watu wangu, sikilizeni sheria yangu,[#Kut 19:5; Kum 32:29]

Tegeni masikio kwa maneno ya kinywa changu.

²Na nifunue kinywa changu kwa mithali,[#Zab 49:4; Mt 13:35]

Niyatamke mafumbo ya kale.

³Mambo tuliyoyasikia na kuyafahamu,[#Zab 44:1]

Ambayo baba zetu walituambia.

⁴Hayo hatutawaficha wana wao,[#Kum 4:9; Kut 12:26; Yos 4:6,7]

Huku tukiwaambia kizazi kingine,

Sifa za BWANA, na nguvu zake,

Na mambo yake ya ajabu aliyoyafanya.

⁵Maana alikaza ushuhuda katika Yakobo,

Na sheria aliiweka katika Israeli.

Aliyowaamuru baba zetu

Wawajulishe wana wao,

⁶Ili kizazi kingine wawe na habari,[#Zab 102:18]

Ndio hao wana watakaozaliwa.

Wasimame na kuwaambia wana wao

⁷Wamwekee Mungu tumaini lao.

Wala wasiyasahau matendo ya Mungu,

Bali wazishike amri zake.

⁸Naam, wasiwe kama baba zao,

Kizazi cha ukaidi na uasi.

Kizazi kisichojitengeneza moyo,

Wala roho yake haikuwa amini kwa Mungu.

⁹Wale Waefraimu, wenye silaha, wapiga upinde,

Walirudi nyuma siku ya vita.

¹⁰Hawakulishika agano la Mungu;

Wakakataa kuenenda katika sheria yake;

¹¹Wakayasahau matendo yake,[#Isa 17:10; Yer 2:32]

Na mambo yake ya ajabu aliyowaonyesha.

¹²Mbele ya baba zao alifanya mambo ya ajabu,[#Mwa 32:3; Kut 7:8—12:32; Isa 19:11]

Katika nchi ya Misri, konde la Soani.

¹³Aliipasua bahari akawavusha;[#Kut 14:21-22]

Aliyasimamisha maji mfano wa chungu.

¹⁴Akawaongoza kwa wingu mchana,[#Kut 13:21-22]

Na usiku kucha kwa nuru ya moto.

¹⁵Akapasua miamba jangwani;[#Kut 17:1-7; Hes 20:2-13; Zab 105:41; Isa 41:18]

Akawanywesha maji mengi kama maji ya vilindi.

¹⁶Akatokeza na vijito gengeni,[#Kum 9:21]

Akatelemsha maji kama mito.

¹⁷Lakini wakazidi kumtenda dhambi,[#Ebr 3:16]

Walipomwasi Aliye juu katika nchi ya kiu.

¹⁸Wakamjaribu Mungu mioyoni mwao[#Kut 16:2-15; Hes 11:4-23,31-35]

Kwa kutaka chakula kwa tamaa zao.

¹⁹Naam, walimwamba Mungu, wakasema,[#Hes 11:4]

Je! Mungu aweza kuandika meza jangwani?

²⁰Tazama, aliupiga mwamba;[#Kut 17:6; Hes 20:11]

Maji yakabubujika, ikafurika mito.

Pia aweza kutupa chakula?

Atawaandalia watu wake nyama?

²¹Hivyo BWANA aliposikia akaghadhibika;

Moto ukawashwa juu ya Yakobo,

Hasira nayo ikapanda juu ya Israeli.

²²Kwa kuwa hawakumwamini Mungu,[#Ebr 3:10]

Wala hawakuutumainia wokovu wake.

²³Lakini aliyaamuru mawingu juu;[#Mwa 7:11; Kum 28:12]

Akaifungua milango ya mbinguni;

²⁴Akawanyeshea mana ili wale;[#Neh 9:15,20; Yn 6:31; 1 Kor 10:3]

Akawapa nafaka ya mbinguni.

²⁵Mwanadamu akala chakula cha mashujaa;

Aliwapelekea chakula cha kuwashibisha.

²⁶Aliuelekeza upepo wa mashariki mbinguni;

Akaiongoza kusi kwa uweza wake.

²⁷Akawanyeshea nyama kama mavumbi,

Na ndege wenye mbawa,

Kama mchanga wa bahari.

²⁸Akawaangusha kati ya matuo yao,

Pande zote za maskani zao.

²⁹Wakala wakashiba sana;

Maana aliwaletea walivyovitamani;

³⁰Hawakuachana na matakwa yao.

Ila chakula chao kikali ki vinywani mwao

³¹Hasira ya Mungu ikapanda juu yao,

Akawaua waliokuwa wanono;

Akawaangusha chini vijana wa Israeli.

³²Pamoja na hayo wakazidi kutenda dhambi,

Wala hawakuyaamini matendo yake ya ajabu.

³³Kwa hiyo akazikomesha siku zao kama pumzi,

Na miaka yao kwa hofu ya kuwasitusha.

³⁴Alipowaua ndipo walipokuwa wakimtafuta;[#Hes 5:15]

Wakarudi wakamtaka Mungu kwa bidii.

³⁵Wakakumbuka kuwa Mungu ni mwamba wao,

Na Mungu Aliye juu ni mkombozi wao.

³⁶Lakini walimdanganya kwa vinywa vyao,[#Eze 33:31]

Wakamwambia uongo kwa ndimi zao.

³⁷Kwa maana mioyo yao haikuwa thabiti kwake,[#Mdo 8:21]

Wala hawakuwa waaminifu katika agano lake.

³⁸Lakini Yeye, kwa kuwa anayo rehema,[#Kut 34:6; Neh 9:17; Zab 86:15; 1 Fal 21:29; Isa 48:9; Mik 7:18; Rum 2:4]

Husamehe uovu wala haangamizi.

Mara nyingi huipishia mbali ghadhabu yake,

Wala haiwashi hasira yake yote.

³⁹Akakumbuka ya kuwa wao ni kiwiliwili,[#Mwa 6:3; Yn 3:6; Yak 4:14; Ayu 7:7,16]

Upepo upitao wala haurudi.

⁴⁰Walimwasi jangwani mara ngapi?

Na kumhuzunisha nyikani!

⁴¹Wakarudi nyuma wakamjaribu Mungu;

Wakampa mpaka Mtakatifu wa Israeli.

⁴²Hawakuukumbuka mkono wake,

Wala siku ile alipowakomboa na mtesi.

⁴³Alivyoziweka ishara zake katika Misri,

Na miujiza yake katika konde la Soani.

⁴⁴Aligeuza damu mito yao,[#Kut 7:17-21]

Na vijito wasipate kunywa.

⁴⁵Aliwapelekea mainzi wakawala,[#Kut 8:1-6,20-24]

Na vyura wakawaharibu.

⁴⁶Akawapa tunutu mazao yao,[#Kut 10:12-15]

Na nzige kazi yao.

⁴⁷Aliiharibu mizabibu yao kwa mvua ya mawe,[#Kut 9:22-25]

Na mikuyu yao kwa mawe ya barafu.

⁴⁸Akaacha ng’ombe zao wapigwe kwa mvua ya mawe,

Na makundi yao kwa umeme.

⁴⁹Akawapelekea ukali wa hasira yake,[#Rum 2:8]

Ghadhabu, na uchungu, na taabu,

Kundi la malaika waletao mabaya.

⁵⁰Akiifanyizia njia hasira yake;

Wala hakuziepusha roho zao na mauti,

Bali aliiachia tauni uhai wao;

⁵¹Akampiga kila mzaliwa wa kwanza wa Misri,[#Mwa 9:22; Kut 12:29]

Malimbuko ya nguvu katika hema za Hamu.

⁵²Bali aliwaongoza watu wake kama kondoo,[#Kut 13:17-22]

Akawachunga kama kundi jangwani.

⁵³Hao akawachukua salama wala hawakuogopa,[#Kut 14:26-28]

Bali bahari iliwafunikiza adui zao.

⁵⁴Akawapeleka hadi mpaka wake mtakatifu,[#Kut 15:17; Yos 3:14-17]

Mlima alioununua kwa mkono wake wa kuume.

⁵⁵Akawafukuza mataifa mbele yao,[#Yos 11:16-23]

Akawapimia urithi kwa kamba,

Na kuwakalisha kabila za Israeli katika hema zao.

⁵⁶Lakini walimjaribu Mungu Aliye juu, wakamwasi,[#Amu 2:11-15]

Wala hawakuzishika shuhuda zake.

⁵⁷Bali walirudi nyuma, wakahaini kama baba zao;[#Eze 20:27; Hos 7:16]

Wakaepea kama upinde usiofaa.

⁵⁸Wakamkasirisha kwa mahali pao pa juu,[#Law 26:30; Hes 33:52; Kum 12:2]

Wakamtia wivu kwa sanamu zao.

⁵⁹Mungu akasikia, akaghadhibika,[#Ebr 4:13]

Akamkataa Israeli kabisa.

⁶⁰Akaiacha maskani ya Shilo,[#1 Sam 4:11; Yer 7:12; Yos 18:1; Yer 7:12-14; 26:6]

Hema aliyoiweka katikati ya wanadamu;

⁶¹Akaziacha nguvu zake kutekwa,[#1 Sam 4:4-22; Amu 4:12]

Na fahari yake mkononi mwa mtesi.

⁶²Akawatoa watu wake wapigwe kwa upanga;

Akaughadhibikia urithi wake.

⁶³Moto ukawala vijana wao,

Wanawali wao hawakuimbiwa nyimbo za arusi,

⁶⁴Makuhani wao walianguka kwa upanga,[#Ayu 27:15]

Wala wajane wao hawakuomboleza.

⁶⁵Ndipo Bwana alipoamka kama aliyelala usingizi,[#Isa 42:13]

Kama shujaa apigaye kelele sababu ya mvinyo;

⁶⁶Akawapiga watesi wake akawarudisha nyuma,

Akawatia aibu ya milele.

⁶⁷Ila akaikataa hema ya Yusufu;

Wala hakuichagua kabila ya Efraimu.

⁶⁸Bali aliichagua kabila ya Yuda,

Mlima Sayuni alioupenda.

⁶⁹Akajenga patakatifu pake kama vilele,[#1 Fal 6:1]

Kama dunia aliyoiweka imara milele.

⁷⁰Akamchagua Daudi, mtumishi wake,[#1 Sam 16:11-12; 2 Sam 7:8; 1 Nya 17:7]

Akamwondoa katika mazizi ya kondoo.

⁷¹Nyuma ya kondoo wanyonyeshao alimwondoa,[#2 Sam 5:2; 1 Nya 11:2; Mik 5:2-4; Zek 11:4]

Awachunge Yakobo watu wake, na Israeli urithi wake.

⁷²Akawalisha kwa ukamilifu wa moyo wake,[#1 Fal 9:4]

Na kuwaongoza kwa busara ya mikono yake.