Bila Mungu kazi ya binadamu haifai

¹Mwenyezi-Mungu asipoijenga nyumba,

waijengao wanajisumbua bure.

Mwenyezi-Mungu asipoulinda mji,

waulindao wanakesha bure.

²Mnajisumbua bure kuamka mapema asubuhi

na kuchelewa kwenda kupumzika jioni,

mjipatie chakula kwa jasho lenu.

Mungu huwaruzuku walio wake hata walalapo.

³Watoto ni riziki kutoka kwa Mwenyezi-Mungu;

watoto ni tuzo lake kwetu sisi.

⁴Watoto waliozaliwa wazazi wakiwa bado vijana,

ni kama mishale mikononi mwa askari.

⁵Heri mtu aliye na mishale hiyo kwa wingi.

Hatashindwa atakapokabiliana na adui mahakamani.