Toka Adamu hadi Abrahamu

¹Adamu alimzaa Sethi, Sethi akamzaa Enoshi, Enoshi akamzaa Kenani,[#1:1—9:44 Sura nane za kwanza za 1 Nyakati zinatumia orodha za nasaba ambazo zinampeleka msomaji tangu yule binadamu wa kwanza (Adamu) ambaye Mungu alimbariki, kisha Noa ambaye Mungu alifanya naye agano lingine, mpaka Abrahamu, mpaka Daudi. Lengo ni kuonesha kwamba taifa la Israeli liliteuliwa miongoni mwa mataifa yote ya dunia. Orodha hiyo inamweka Daudi katika nafasi maalumu kwa vile Mungu alifanya agano naye, na kabila la Lawi kwa kuwa lilihusika na ibada kwa Mwenyezi-Mungu. Wakati wa mwandishi, yapata wakati ule Wayahudi waliporuhusiwa kurudi makwao kutoka Babuloni, mwandishi anaona jumuiya hiyo iliyorudi kutoka uhamishoni na kuanza kutengeneza upya maishi ya kidini ya watu wa Mungu, inaendelea na mpango wa Mungu: Adamu … Noa … Abrahamu … Israeli (Yakobo)… Daudi, hekalu.]

²Kenani akamzaa Mahalaleli, Mahalaleli akamzaa Yaredi,

³Yaredi akamzaa Henoki, Henoki akamzaa Methusela. Methusela alimzaa Lameki,

⁴Lameki akamzaa Noa. Noa alikuwa na wana watatu: Shemu, Hamu na Yafethi.[#1:1-23 Taz Mwa 5:1-32. Hapa orodha hiyo au nasaba inatolewa bila vitu vidogovidogo (kadiri ya mwandishi wa Nyakati) ambavyo si vya lazima kwa lengo lake. Ni kana kwamba mwandishi anaharakisha kumfikia Noa na kisha kuanza orodha ya wanawe ambayo itakuwa na matawi yake.]

⁵Wana wa Yafethi walikuwa Gomeri, Magogu, Madai, Yavani, Tubali, Mesheki na Tirasi.[#1:5-7 Taz Mwa 10:2-4. Maeneo ya wazawa wa Yafethi, kwa wingi, yalikuwa Asia Ndogo na sehemu za juu za Mto Eufrate.]

⁶Wana wa Gomeri walikuwa Ashkenazi, Difathi na Togama.

⁷Wana wa Yavani walikuwa Elisha, Tarshishi, Kitimu na Rodanimu.[#1:7 Tafsiri kulingana na baadhi ya hati za kale za Kiebrania. Pengine ni “Dodanimu” kwa kuwa herufi “d” na “r” katika Kiebrania zinafanana sana.]

⁸Wana wa Hamu walikuwa Kushi, Misri, Puti na Kanaani.[#1:8-16 Taz Mwa 10:6-7. Wazawa wa Hamu walimiliki maeneo ya mwambao wa kaskazini-mashariki ya bahari ya Mediteranea, Kanaani na kuenea mashariki mpaka miji ya Babuloni, Ninewi (Ashuru), ambao ulikuwa pia karibu na Mto Eufrate. Kulingana na Mwa 10:8-11 Nimrodi, mmoja wa wazawa wa Hamu, alikuwa mwanzilishi wa dola la Ashuru. Nabii Mika anataja nchi ya Ashuru kama nchi ya Nimrodi (Mika 5:5). Wayebusi, Waamori n.k. walikuwa kule Kanaani kabla ya Waisraeli kuingia humo (Hes 21:21-35). Inajulikana kwamba nchi ya Kanaani ni ile nchi ambayo inasemwa Mungu alimwahidi Abrahamu kuwa yake na ya wazawa wake (Mwa 15:7; 17:7-8).]

⁹Wana wa Kushi walikuwa Seba, Havila, Sabta, Raama na Sabteka. Wana wa Raama walikuwa Sheba na Dedani.

¹⁰Kushi alimzaa Nimrodi, aliyekuwa mtu shujaa wa kwanza duniani.

¹¹Wazawa wa Misri ni Waludi, Waanamu, Walehabi, Wanaftuhi,

¹²Wapathrusi Wakaftori na Wakasluhi (hao ndio asili ya Wafilisti).

¹³Wana wa Kanaani walikuwa Sidoni, mzaliwa wake wa kwanza, na Hethi.

¹⁴Kanaani pia ndiye babu yao Wayebusi, Waamori, Wagirgashi,

¹⁵Wahivi, Waarki, Wasini,

¹⁶Waarvadi, Wasemari na Wahamathi.

¹⁷Wana wa Shemu walikuwa Elamu, Ashuri, Arpaksadi, Ludi, Aramu, Usi, Huli, Getheri na Mesheki.

¹⁸Arpaksadi alimzaa Shela, Shela akamzaa Eberi.

¹⁹Eberi alikuwa na wana wawili; mmoja wao aliitwa Pelegi, (kwa maana wakati wake watu walikuwa wametawanyika duniani), na ndugu yake aliitwa Yoktani.[#1:19 Jina hili “Pelegi” kwa Kiebrania linafanana na neno lenye maana ya “waligawanyika”. Taz Mwa 10:25. Na pia simulizi la 11:1-9 jinsi Mungu alivyowatawanya makabila yale kila mahali duniani kwa kuvuruga lugha zao.]

²⁰Wana wa Yoktani walikuwa Almodadi, Shelefu, Hasarmawethi, Yera,

²¹Hadoramu, Uzali, Dikla,

²²Obali, Abimaeli, Sheba,

²³Ofiri, Havila na Yobabu. Hao watu ni wana wa Yoktani.

²⁴Ukoo wa Abrahamu kutokea Shemu ni kama ifuatavyo: Shemu alimzaa Arpaksadi, naye Arpaksadi akamzaa Shela.

²⁵Shela akamzaa Eberi, Eberi akamzaa Pelegi, Pelegi akamzaa Reu;

²⁶Reu akamzaa Serugi, Serugi akamzaa Nahori, Nahori akamzaa Tera,

²⁷na Tera akamzaa Abramu, ambaye ndiye Abrahamu.

Wazawa wa Ishmaeli

²⁸Abrahamu alikuwa na watoto wawili wa kiume: Isaka na Ishmaeli.

²⁹Hivi ndivyo vizazi vyao: mzaliwa wa kwanza wa Ishmaeli alikuwa Nebayothi na wengine ni Kedari, Adbeeli, Mibsamu,

³⁰Mishma, Duma, Masa, Hadadi, Tema,

³¹Yeturi, Nafishi na Kedema. Hao ndio wana wa Ishmaeli.

³²Abrahamu alikuwa na suria aliyeitwa Ketura. Ketura alimzalia Abrahamu: Zimrani, Yokshani, Medani, Midiani, Ishbaki na Shua. Wana wa Yokshani walikuwa Sheba na Dedani.[#1:28-33 Taz Mwa 25:1-4. Wazawa wa Abrahamu na Ketura walikuwa wazee wa kwanza wa baadhi ya makabila ya Waarabu pamoja na Wamidiani ambao walikuwa kabila la mkewe Mose na baba yake aitwaye Yethro (Kut 2:15-22; 18:1).]

³³Wana wa Midiani walikuwa: Efa, Eferi, Henoki, Abida na Eldaa. Wote hao walikuwa wazawa wa Ketura.

Wazawa wa Esau

³⁴Isaka, mwana wa Abrahamu, alikuwa na wana wawili: Esau na Israeli.[#1:17-34 Taz Mwa 10:21-29. Mwandishi anachukua kwamba Shemu alikuwa babu wa Waebrania (Eberi) aya 18,19 (Mwa 10:21) na kumtaja “Abramu ambaye ndiye Abrahamu” ni jambo mwafaka katika mpango wa mwandishi wa Mambo ya Nyakati. Mwandishi atataja wazi katika aya 34 “Abrahamu alikuwa na wana wawili: Esau na Israeli”. Abrahamu ni kiungo maalumu cha ile jumuiya ya wateule wa Mungu.]

³⁵Wana wa Esau walikuwa Elifazi, Reueli, Yeushi, Yalamu na Kora.

³⁶Wana wa Elifazi walikuwa Temani, Omari, Sefo, Gatamu, Kenazi, Timna na Amaleki.

³⁷Wana wa Reueli walikuwa Nahathi, Zera, Shama na Miza.

Wazawa wa asili wa Edomu

³⁸Wana wa Seiri walikuwa Lotani, Shobali, Sibeoni, Ana, Dishoni, Eseri na Dishani.

³⁹Wana wa Lotani walikuwa wawili: Hori na Homamu. Lotani alikuwa na dada yake aliyeitwa Timna.

⁴⁰Wana wa Shobali walikuwa Alvani, Manahathi, Ebali, Shefi na Onamu. Wana wa Sibeoni walikuwa Aya na Ana.

⁴¹Mwana wa Ana alikuwa Dishoni; na wana wa Dishoni walikuwa Hamrani, Eshbani, Ithrani na Kerani.[#1:41 Kulingana na hati kadhaa za kale. Katika Mwa 36:26 ni “Hemdani”.]

⁴²Wana wa Eseri walikuwa Bilhani, Zaawani na Akani; na wana wa Dishoni walikuwa Usi na Arani.[#1:42 Katika Mwa 36:28 ni “Dishani”.]

Wafalme wa Edomu

⁴³Wafuatao ndio wafalme waliotawala nchi ya Edomu kabla mfalme yeyote hajatawala Waisraeli: Bela mwana wa Beori alitawala nchi ya Edomu, akiwa na makao yake makuu katika mji wa Dinhaba.[#1:35-54 Nchi ya “Edomu” au “Seiri” ilikuwa kusini-mashariki mwa Bahari ya Chumvi. Waedomu walikuwa wazawa wa Esau (Mwa 36:1-43). Wazawa wa Yakobo (Waisraeli) walipigana mara kwa mara na Waedomu (Hes 20:14-21; Oba 9-10).]

⁴⁴Bela alipofariki, Yobabu mwana wa Zera kutoka Bosra alitawala badala yake.

⁴⁵Yobabu alipofariki, Hushamu wa nchi ya Watemi alitawala badala yake.

⁴⁶Hushamu alipofariki, Hadadi mwana wa Bedadi alitawala badala yake, makao yake makuu yakiwa katika mji wa Avithi. Huyu ndiye aliyewapiga na kuwashinda Wamidiani katika nchi ya Moabu.

⁴⁷Hadadi alipofariki, Samla kutoka Masreka alitawala badala yake.

⁴⁸Samla alipofariki, Shauli kutoka Rehobothi ulio karibu na mto Eufrate, alitawala badala yake.

⁴⁹Shauli alipofariki, Baal-hanani mwana wa Akbori alitawala badala yake.

⁵⁰Baal-hanani alipofariki, Hadadi kutoka Pai alitawala badala yake na jina la mkewe Akbori lilikuwa Mehetabeli, binti Matredi, binti Mezahabu.

⁵¹Naye Hadadi akafariki.

Wakuu wa makabila ya Edomu walikuwa Timna, Alva, Yethethi,

⁵²Oholibama, Ela, Pinoni,

⁵³Kenazi, Temani, Mibsari,

⁵⁴Magdieli na Iramu. Hao ndio wakuu wa makabila ya Edomu.