Wazawa wa Benyamini

¹Benyamini alikuwa na wana watano: Bela, mzaliwa wake wa kwanza, Ashbeli wa pili, Ahara wa tatu,[#8:1 Huyu ndiye aliyekuwa mtoto wa mwisho wa Yakobo. Mara baada ya kuzaliwa, mama yake yaani Raheli, alifariki (rejea Mwa 35:16-20). Benyamini alipendwa na Yakobo (rejea Mwa 42:4,38; 44:18-34). Alikuwa nduguye Yosefu (rejea Mwa 30:22-24,25; 35:24; 42:13—45:15). Mwandishi wa simulizi la 1 Mambo ya Nyakati analipa kabila la Benyamini nafasi maalumu labda kwa sababu mfalme wa kwanza kabisa kutawala Waisraeli, Shauli, alitoka katika kabila hilo. Zaidi ya hayo kabila hilo la Benyamini lilikuwa mojawapo ya makabila yaliyosaidia kujenga upya Yerusalemu chini ya uongozi wa Nehemia (Neh 11:7-9) wakati Waisraeli waliporudi kutoka uhamishoni Babuloni. Tena, mji wa Yerusalemu ulikuwa katika eneo ambalo lilikuwa la kabila hilo.]

²Noha wa nne na Rafa wa tano.[#8:2-7 Rejea orodha tofautitofauti katika 7:2-12; Mwa 46:21; Hes 26:38-41.]

³Bela naye alikuwa na wana: Adari, Gera, Abihudi,

⁴Abishua, Naamani, Ahoa,

⁵Gera, Shufamu na Huramu.

⁶Hawa ndio wazawa wa Ehudi. Hawa walikuwa viongozi wa jamaa za wale waliokuwa wakiishi Geba, lakini wakachukuliwa mateka uhamishoni Manahathi;

⁷Naamani, Ahiya na Gera. Gera, baba yake Uza na Ahihudi, ndiye aliyewaongoza kuchukua hatua hiyo.

⁸Shaharaimu aliwapa talaka wake zake wawili, Hushimu na Baara na baadaye alipata watoto wa kiume nchini Moabu.

⁹Alimwoa Hodeshi, naye akamzalia wana saba: Yoabu, Sibia, Mesha, Malkamu,

¹⁰Yeuzi, Sakia, na Mirma. Hawa wanawe wote walikuja kuwa wakuu wa koo.

¹¹Shaharaimu na mkewe Hushimu alipata wana wengine wawili: Abitubu na Elpaali.

¹²Wana wa Elpaali walikuwa watatu: Eberi, Mishamu na Shemedi ambaye aliijenga miji ya Ono na Lodi, pamoja na vijiji kandokando yake.

Wabenyamini walioishi Gathi na Aiyaloni

¹³Beria na Shema walikuwa miongoni mwa jamaa ambazo zilikuwa zinaishi katika mji wa Aiyaloni, na kuwafukuza wenyeji wa Gathi.

¹⁴Nao Ahio, Shashaki, Yeremothi,

¹⁵Zebadia, Aradi, Ederi,

¹⁶Mikaeli, Ishpa na Yoha ni wazawa wengine wa Beria.

¹⁷Zebadia, Meshulamu, Hizki, Heberi,

¹⁸Ishnerai, Izlia na Yobabu walikuwa wazawa wa Epaali.

¹⁹Yakimu, Zikri, Zabdi,

²⁰Elienai, Zilethai, Elieli,

²¹Adaya, Beraya na Shimrathi walikuwa wazawa wa Shimei.

²²Ishpani, Eberi, Elieli,

²³Abdoni, Zikri, Hanani,

²⁴Hanania, Elamu, Anthothiya,

²⁵Ifdeya na Penueli walikuwa wazawa wa Shashaki.

²⁶Shamsherai, Sheharia, Athalia,

²⁷Yaareshia, Elia na Zikri walikuwa baadhi ya wazawa wa Yerohamu.

²⁸Hao ndio waliokuwa wakuu wa koo zao kulingana na vizazi vyao. Walikuwa wakuu na waliishi Yerusalemu.

Wabenyamini walioishi Gibeoni na Yerusalemu

²⁹Yeieli, alikuwa mwanzilishi wa mji wa Gibeoni. Mkewe alikuwa Maaka.

³⁰Mzaliwa wake wa kwanza alikuwa Abdoni. Wanawe wengine ni Zuri, Kishi, Baali, Nadabu,

³¹Gedori, Ahio, Zekeri,

³²na Miklothi baba yake Shimea. Hawa pia waliishi Yerusalemu karibu na watu wengine wa ukoo wao.

Ukoo wa mfalme Shauli

³³Neri alimzaa Kishi, Kishi akamzaa Shauli. Shauli alikuwa na wana wanne: Yonathani, Malki-shua, Abinadabu na Eshbaali.[#8:33 Labda hili ndilo jina lake la asili na maana yake ni “mtu wa Baali”, lakini anaitwa pia “Ishboshethi” (2Sam 2:8), maana yake “mtu wa aibu”.]

³⁴Yonathani alimzaa Merib-baali, na Merib-baali akamzaa Mika.[#8:34 Jina hili ambalo linatumiwa badala ya jina “Mefiboshethi” (2Sam 4:4) lilikuwa limeandikwa awali kama “Merib-baali” maana yake “Shujaa wa Baali” ambalo lilibadilishwa baadaye kuwa “Merib-baali” maana yake: “Mpinzani wa Baali”. Maana ya jina “Mefiboshethi” ni “kutoka mdomo wa aibu”.]

³⁵Mika alikuwa na wana wanne: Pithoni, Meleki, Terea na Ahazi.

³⁶Ahazi alimzaa Yehoada. Naye Yehoada aliwazaa Alemethi, Azmawethi na Zimri. Zimri alimzaa Mosa.

³⁷Mosa alimzaa Binea, aliyemzaa Rafa, aliyemzaa Eleasa, naye Eleasa akamzaa Aseli.

³⁸Wana wa Aseli walikuwa sita: majina yao ni Azrikamu, Bokeru, Ishmaeli, Shearia, Obadia na Hanani. Wote hawa walikuwa wana wa Aseli.

³⁹Nao wana wa Esheki, nduguye Aseli, walikuwa watatu. Mzaliwa wake wa kwanza alikuwa Ulamu, wa pili Yeushi na wa tatu Elifeleti.

⁴⁰Wana wa Ulamu walikuwa watu mashujaa sana wa vita, na wapiga upinde hodari. Alikuwa na wana na wajukuu wengi, jumla150. Hao wote waliotajwa hapo juu walikuwa wa ukoo wa Benyamini.