Jibu la Bildadi

¹Kisha Bildadi, Mshuhi, akajibu:

²“Mungu ni mwenye uwezo mkuu,

watu wote na wamche.

Yeye huweka amani mpaka juu kwake mbinguni.

³Nani awezaye kuhesabu majeshi yake?

Ni nani asiyeangaziwa na mwanga wake?

⁴Mtu awezaje basi, kuwa mwadilifu mbele ya Mungu?

Binadamu tu awezaje kujidai kuwa safi?

⁵Kwake Mungu, hata mwezi haung'ai vya kutosha;

nyota nazo si safi mbele yake;

⁶sembuse mtu ambaye ni mdudu,

binadamu ambaye ni buu tu!”