Tuzo kwa jamaa imchayo Mungu

¹Heri wote wamchao Mwenyezi-Mungu,

wanaoishi kufuatana na amri zake.

²Utapata matunda ya jasho lako,

utafurahi na kupata fanaka.

³Mkeo atakuwa kama mzabibu wa matunda mengi nyumbani mwako;

watoto wako kama chipukizi za mzeituni kuzunguka meza yako.

⁴Naam, ndivyo atakavyobarikiwa

mtu amchaye Mwenyezi-Mungu.

⁵Mwenyezi-Mungu akubariki kutoka Siyoni!

Uione fanaka ya Yerusalemu, siku zote za maisha yako.

⁶Uishi na hata uwaone wajukuu zako!

Amani iwe na Israeli!