Salamu

Kweli na upendo

⁴Imenipa furaha kuu kuona baadhi ya watoto wako wanaenenda katika kweli, kama vile Baba alivyotuagiza.

⁵Sasa, mama mteule mpendwa, si kwamba ninakuandikia amri mpya, bali ile tuliyokuwa nayo tangu mwanzo. Tupendane kila mmoja na mwenzake.

⁶Hili ndilo pendo: kwamba tuenende kwa kuzitii amri zake. Hii ndiyo amri yake kama vile mlivyosikia tangu mwanzo, kwamba mwenende katika upendo.

⁷Wadanganyifu wengi, wasiokubali kwamba Yesu Kristo amekuja katika mwili, wametawanyika ulimwenguni. Mtu kama huyo ni mdanganyifu na mpinga Kristo.

⁸Jihadharini msije mkapoteza kile mlichokitenda, bali mpate kupewa thawabu kamilifu.

⁹Mtu yeyote asiyedumu katika mafundisho ya Kristo bali ameyaacha, yeye hana Mungu. Yeyote anayedumu katika mafundisho ana Baba na Mwana pia.

¹⁰Msimpokee mtu yeyote anayewajia ambaye hawaletei mafundisho haya, wala msimkaribishe nyumbani mwenu.

¹¹Yeyote amkaribishaye mtu kama huyo anashiriki katika matendo yake maovu.

Salamu za mwisho

¹²Ninayo mengi ya kuwaandikia, lakini sitaki kutumia karatasi na wino. Badala yake, nataraji kuja kwenu na kuongea nanyi ana kwa ana, ili furaha yetu ipate kuwa timilifu.

¹³Watoto wa dada yako mteule wanakusalimu. Amen.