Kujua uthabiti wa Abrahamu

¹Baadaye Mungu akamjaribu Abrahamu. Akamwambia, “Abrahamu!”

Abrahamu akamjibu, “Mimi hapa.”

²Kisha Mungu akamwambia, “Mchukue mwanao, mwana wako wa pekee umpendaye, Isaka, uende nchi ya Moria. Mtoe kama sadaka ya kuteketezwa juu ya mlima nitakaokuambia.”

³Abrahamu akaamka asubuhi na mapema siku iliyofuata, akamtayarisha punda wake. Akawachukua watumishi wake wawili pamoja na Isaka mwanawe. Baada ya kuchanja kuni za kutosha kwa ajili ya hiyo sadaka ya kuteketezwa, akaondoka kuelekea mahali Mungu alipokuwa amemwambia.

⁴Siku ya tatu Abrahamu akainua macho, akapaona mahali pale kwa mbali.

⁵Akawaambia watumishi wake, “Kaeni hapa pamoja na punda, wakati mimi na kijana tunaenda kule. Tutaabudu na kisha tutawarudia.”

⁶Abrahamu akachukua kuni kwa ajili ya sadaka ya kuteketezwa, akamtwika Isaka mwanawe, naye mwenyewe akachukua moto na kisu. Walipokuwa wakienda pamoja,

⁷Isaka akamwambia Abrahamu baba yake, “Baba yangu!”

Abrahamu akaitika, “Mimi hapa, mwanangu.”

Isaka akasema, “Moto na kuni zipo. Je, yuko wapi mwana-kondoo kwa ajili ya sadaka ya kuteketezwa?”

⁸Abrahamu akajibu, “Mwanangu, Mungu mwenyewe atajipatia mwana-kondoo kwa ajili ya hiyo sadaka ya kuteketezwa.” Nao hawa wawili wakaendelea mbele pamoja.

⁹Walipofika mahali pale alipokuwa ameambiwa na Mungu, Abrahamu akajenga madhabahu hapo, akaziweka kuni juu yake. Akamfunga Isaka mwanawe na akamlaza kwenye madhabahu, juu ya zile kuni.

¹⁰Kisha akanyoosha mkono wake na akachukua kisu ili amchinje mwanawe.

¹¹Lakini malaika wa Bwana akamwita kutoka mbinguni, akamwambia, “Abrahamu! Abrahamu!”

Akajibu, “Mimi hapa.”

¹²Akamwambia, “Usimdhuru kijana, wala usimtendee jambo. Sasa ninajua kwamba unamcha Mungu, kwa sababu hukunizuilia mwanao, mwana wako wa pekee.”

¹³Abrahamu akainua macho, akaona nyuma yake kondoo dume akiwa amenaswa pembe zake katika kichaka. Akaenda akamchukua huyo kondoo dume, akamtoa awe sadaka ya kuteketezwa badala ya mwanawe.

¹⁴Abrahamu akapaita mahali pale Yehova-Yire. Hadi leo inasemekana, “Katika mlima wa Bwana itapatikana.”[#22:14 maana yake atapata]

¹⁵Basi malaika wa Bwana akamwita Abrahamu kutoka mbinguni mara ya pili,

¹⁶akasema, “Ninaapa kwa nafsi yangu, asema Bwana , kwa sababu umefanya jambo hili na hukunizuilia mwanao, mwana wako wa pekee:

¹⁷Hakika nitakubariki, na nitauzidisha uzao wako kama nyota za angani na kama mchanga wa pwani. Wazao wako watamiliki miji ya adui zao,

¹⁸na kupitia uzao wako mataifa yote duniani yatabarikiwa, kwa sababu umenitii.”

¹⁹Ndipo Abrahamu akawarudia watumishi wake, wakaondoka wote, wakaenda hadi Beer-Sheba. Naye Abrahamu akaishi huko Beer-Sheba.

Wana wa Nahori

²⁰Baada ya muda, Abrahamu akaambiwa, “Milka pia amepata watoto; amemzalia ndugu yako Nahori wana:

²⁴Suria wake Nahori aliyeitwa Reuma pia alizaa wana: