Yakobo aenda Misri

¹Hivyo Israeli akaondoka na mali yake yote. Alipofika Beer-Sheba, akamtolea dhabihu Mungu wa Isaka baba yake.

²Mungu akanena na Israeli katika maono usiku na kusema, “Yakobo! Yakobo!”

Akamjibu, “Mimi hapa.”

³Mungu akamwambia, “Mimi ndimi Mungu wa baba yako. Usiogope kushuka Misri, kwa maana huko nitakufanya taifa kubwa.

⁴Nitashuka Misri pamoja nawe, nami hakika nitakurudisha tena Kanaani. Mikono ya Yusufu mwenyewe ndiyo itakayofunga macho yako.”

⁵Ndipo Yakobo akaondoka Beer-Sheba, nao wana wa Israeli wakamchukua baba yao Yakobo, na watoto wao na wake zao katika magari ya kukokotwa yale Farao alikuwa amempelekea kumsafirisha.

⁶Wakachukua pia mifugo yao na mali walizokuwa wamezipata Kanaani; Yakobo na uzao wake wote wakashuka Misri.

⁷Akawachukua wanawe na binti zake, wajukuu wake wa kiume na wa kike, yaani uzao wake wote hadi Misri.

Reubeni mzaliwa wa kwanza wa Yakobo.

⁹Wana wa Reubeni ni:

¹⁰Wana wa Simeoni ni:

¹¹Wana wa Lawi ni:

¹²Wana wa Yuda ni:

¹³Wana wa Isakari ni:

¹⁴Wana wa Zabuloni ni:

¹⁶Wana wa Gadi ni:

¹⁷Wana wa Asheri ni:

¹⁹Wana wa Raheli mke wa Yakobo ni:

²¹Wana wa Benyamini ni:

²³Mwana wa Dani ni:

²⁴Wana wa Naftali ni:

²⁸Basi Yakobo akamtanguliza Yuda aende kwa Yusufu ili amwelekeze njia ya Gosheni. Walipofika nchi ya Gosheni,

²⁹Yusufu aliandaa gari lake la vita, na akaenda Gosheni kumlaki baba yake, Israeli. Mara Yusufu alipofika mbele yake, alimkumbatia baba yake, akalia kwa muda mrefu.

³⁰Israeli akamwambia Yusufu, “Sasa niko tayari kufa, kwa kuwa nimejionea mwenyewe kwamba bado uko hai.”

³¹Ndipo Yusufu akawaambia ndugu zake na watu wa nyumbani mwa baba yake, “Nitapanda kwa Farao na kumwambia, ‘Ndugu zangu na watu wa nyumbani mwa baba yangu, walioishi katika nchi ya Kanaani, wamekuja kwangu.

³²Watu hao ni wafugaji; wao huchunga mifugo, na wamekuja na makundi ya kondoo, mbuzi na ngʼombe, pamoja na kila kitu walicho nacho.’

³³Farao atakapowaita na kuwauliza, ‘Kazi yenu ni nini?’

³⁴mjibuni, ‘Watumishi wako wamekuwa wafugaji wa wanyama tangu ujana wetu hadi sasa, kama baba zetu walivyokuwa.’ Ndipo mtaruhusiwa kukaa katika nchi ya Gosheni, kwa kuwa wafugaji wote ni chukizo kwa Wamisri.”