Maonyo dhidi ya upumbavu

¹Mwanangu, kama umekuwa mdhamini wa jirani yako,

ikiwa umeshikana mikono kwa kuweka ahadi

kwa ajili ya mwingine,

²kama umetegwa na ulichosema,

umenaswa kwa maneno ya kinywa chako,

³basi fanya hivi mwanangu, ili ujiweke huru,

kwa kuwa umeanguka mikononi mwa jirani yako:

Nenda ukajinyenyekeshe kwake;

msihi jirani yako!

⁴Usiruhusu usingizi machoni pako,

usiruhusu kope zako zisinzie.

⁵Jiweke huru, kama paa kutoka mkononi mwa mwindaji,

kama ndege kutoka mtego wa mwindaji.

⁶Ewe mvivu, mwendee mchwa;

zitafakari njia zake ukapate hekima!

⁷Kwa maana yeye hana msimamizi,

wala mwangalizi, au mtawala,

⁸lakini hujiwekea akiba wakati wa kiangazi

na hukusanya chakula chake wakati wa mavuno.

⁹Ewe mvivu, utalala hata lini?

Utaamka lini kutoka usingizi wako?

¹⁰Kulala kidogo, kusinzia kidogo,

kukunja mikono kidogo upate kupumzika:

¹¹umaskini utakuja juu yako kama mnyangʼanyi,

na kupungukiwa kutakujia kama mtu mwenye silaha.

¹²Mtu mbaya sana na mlaghai,

ambaye huzungukazunguka

¹³ambaye anakonyeza kwa jicho lake,

anayetoa ishara kwa miguu yake

na kuashiria kwa vidole vyake,

¹⁴ambaye hupanga ubaya

daima huchochea fitina.

¹⁵Kwa hiyo maafa yatamkumba ghafula;

ataangamizwa mara moja, pasipo msaada.

¹⁶Kuna vitu sita anavyovichukia Bwana ,

Onyo dhidi ya uasherati

²⁰Mwanangu, zishike amri za baba yako,

wala usiyaache mafundisho ya mama yako.

²¹Yafunge katika moyo wako daima,

yakaze kuizunguka shingo yako.

²²Unapotembea, yatakuongoza;

unapolala, yatakulinda;

unapoamka, yatazungumza nawe.

²³Kwa maana amri hii ni taa,

mafundisho haya ni mwanga,

na maonyo ya nidhamu

ni njia ya uzima,

²⁴yakikulinda na mwanamke aliyepotoka,

kutokana na maneno laini ya mwanamke aliyepotoka.

²⁵Moyo wako usitamani uzuri wake,

wala macho yake yasikuteke,

²⁶kwa maana kahaba atakufanya uwe maskini,

hata ukose kipande cha mkate,

naye mwanamke mzinzi huwinda maisha yako hasa.

²⁷Je, mtu aweza kuchotea moto kwenye paja lake

bila nguo zake kuungua?

²⁸Je, mtu aweza kutembea juu ya makaa ya moto

bila miguu yake kuungua?

²⁹Ndivyo alivyo mtu alalaye na mke wa mwanaume mwingine;

hakuna yeyote amgusaye huyo mwanamke ambaye hataadhibiwa.

³⁰Watu hawamdharau mwizi akiiba

ili kukidhi njaa yake akiwa na njaa.

³¹Lakini akikamatwa, lazima alipe mara saba,

ingawa inamgharimu utajiri wote wa nyumba yake.

³²Lakini mwanaume aziniye na mwanamke hana akili kabisa;

yeyote afanyaye hivyo hujiangamiza mwenyewe.

³³Mapigo na aibu ni fungu lake

na aibu yake haitafutika kamwe;

³⁴kwa maana wivu huamsha ghadhabu ya mume,

naye hataonesha huruma alipizapo kisasi.

³⁵Hatakubali fidia yoyote;

atakataa malipo, hata yakiwa makubwa kiasi gani.