Zaburi 124

Shukrani kwa ukombozi wa Israeli

¹Kama Mwenyezi Mungu hangekuwa upande wetu;

Israeli na aseme sasa:

²kama Mwenyezi Mungu hangekuwa upande wetu,

watu walipotushambulia,

³hasira yao ilipowaka dhidi yetu,

wangetumeza tukiwa hai,

⁴mafuriko yangegharikisha,

maji mengi yangetufunika,

⁵maji yaendayo kasi

yangetuchukua.

⁶Ahimidiwe Mwenyezi Mungu,

ambaye hakuruhusu turaruliwe kwa meno yao.

⁷Tumeponyoka kama ndege

kutoka mtego wa mwindaji;

mtego umevunjika,

nasi tumeokoka.

⁸Msaada wetu ni katika jina la Mwenyezi Mungu,

Muumba wa mbingu na dunia.