Zaburi 23

Bwana mchungaji wetu

¹Bwana ndiye mchungaji wangu,

sitapungukiwa na kitu.

²Hunilaza katika malisho

ya majani mabichi,

kando ya maji matulivu huniongoza,

³hunihuisha nafsi yangu.

Huniongoza katika njia za haki

kwa ajili ya jina lake.

⁴Hata nikipita katikati

ya bonde la uvuli wa mauti,

sitaogopa mabaya,

kwa maana wewe upo pamoja nami;

fimbo yako na mkongojo wako

vyanifariji.

⁵Waandaa meza mbele yangu

machoni pa adui zangu.

Umenipaka mafuta kichwani pangu,

kikombe changu kinafurika.

⁶Hakika wema na upendo vitanifuata

siku zote za maisha yangu,

nami nitakaa nyumbani mwa Bwana

milele.