Zaburi 87

Sifa za Yerusalemu

¹Ameuweka msingi wake katika mlima mtakatifu;

²Bwana anayapenda malango ya Sayuni

kuliko makao yote ya Yakobo.

³Mambo matukufu yanasemwa juu yako,

ee mji wa Mungu:

⁴“Nitaweka kumbukumbu ya Rahabu na Babeli[#87:4 jina la ushairi la Misri]

miongoni mwa wale wanaonikubali mimi:

Ufilisti pia na Tiro, pamoja na Kushi,

nami nitasema, ‘Huyu alizaliwa Sayuni.’ ”

⁵Kuhusu Sayuni itasemwa hivi,

“Huyu na yule walizaliwa humo,

naye Aliye Juu Sana mwenyewe

atamwimarisha.”

⁶Bwana ataandika katika orodha ya mataifa:

“Huyu alizaliwa Sayuni.”

⁷Watakapokuwa wanapiga vinanda wataimba,

“Chemchemi zangu zote ziko kwako.”