Matokeo ya kumuasi Mungu

¹Sikiliza, Ee Israeli; hivi leo unataka kuvuka Yordani uingie kwa kuwamiliki mataifa yaliyo makubwa, na yenye nguvu kukupita, miji mikubwa iliyojengewa kuta hadi mbinguni,[#Kum 4:38; 7:1; 11:23; 1:28]

²watu wakubwa, warefu, wana wa Waanaki, uwajuao, uliokuwa ukisikia wakitajwa hivi, Ni nani awezaye kusimama mbele ya wana wa Anaki?[#Hes 13:22]

³Basi jua siku hii ya leo kuwa BWANA, Mungu wako, ndiye atanguliaye kuvuka mbele yako kama moto uteketezao; atawaangamiza, tena atawaangusha mbele yako; ndivyo utakavyowafukuza na kuwapoteza upesi, kama alivyokuambia BWANA.[#Kum 31:3; Yos 3:11; Mik 2:13; Ufu 19:11-15; Kum 4:24; Isa 30:27; 33:14; Nah 1:5,6; 2 The 1:8; Ebr 12:29; Kut 23:31; Kum 7:24]

⁴Usiseme moyoni mwako, BWANA, Mungu wako, atakapokwisha kuwasukumia nje mbele yako, ukasema, Ni kwa haki yangu alivyonitia BWANA niimiliki nchi hii; kwani ni kwa ajili ya uovu wa mataifa haya BWANA anawafukuza nje mbele yako.[#Kum 8:11,17; Eze 36:32; Rum 11:6; 1 Kor 4:4; Mwa 15:16; Law 18:24; Kum 18:12]

⁵Si kwa haki yako, wala kwa unyofu wa moyo wako, hivi uingiavyo kuimiliki nchi yao; lakini ni kwa uovu wa mataifa haya BWANA, Mungu wako, awafukuza nje mbele yako; tena apate kuliweka imara hilo neno BWANA alilowaapia baba zako Abrahamu, na Isaka, na Yakobo.[#2 Tim 1:9; Tit 3:5; Mwa 12:7; 13:15; 15:7; Kut 32:13; Lk 1:54,55; Mdo 13:32,33; Rum 15:8]

⁶Basi jua ya kuwa BWANA, Mungu wako, hakupi nchi hii nzuri uimiliki kwa ajili ya haki yako, kwa maana u taifa lenye shingo ngumu.

⁷Kumbuka, usisahau ulivyomtia BWANA, Mungu wako, kasirani jangwani; tangu siku uliyotoka nchi ya Misri hadi mlipofika mahali hapa, mmekuwa na uasi juu ya BWANA[#Kut 14:11; 16:2; 17:2; Hes 11:4; 14:1; 20:2]

⁸Tena mlimkasirisha BWANA katika Horebu, BWANA akakasirika hadi akataka kuwaangamiza.[#Kut 32:4; Zab 106:19]

⁹Na hapo nilipokwea mlimani kwenda kuzipokea mbao za mawe, nazo ni mbao za agano BWANA alilofanya nanyi, ndipo nikakaa mle mlimani siku arobaini usiku na mchana; sikula chakula wala kunywa maji.[#Kut 24:18; 34:28; Lk 4:1]

¹⁰BWANA akanipa vile vibao viwili vya mawe vilivyoandikwa kwa kidole cha Mungu; na juu yake yameandikwa maneno mfano wa yote aliyosema nanyi BWANA mle mlimani kutoka kati ya moto siku ya mkutano.

¹¹Ikawa mwisho wa siku arobaini usiku na mchana, BWANA alinipa zile mbao mbili za mawe, nazo ni mbao za agano.

¹²BWANA akaniambia, Ondoka huko, shuka upesi; kwa kuwa watu wako uliowatoa Misri wamejiharibu; wamekengeuka mara katika njia niliyowaamuru; wamejifanyia sanamu ya kusubu.[#Kut 32:7; Kum 31:29; Amu 2:17]

¹³Tena BWANA akasema nami zaidi, akaniambia, Nimeliona taifa hili; na tazama, ni taifa lenye shingo ngumu;[#Kut 32:9; Kum 10:16; 31:27; 2 Fal 17:14]

¹⁴niache, nipate kuwaangamiza, na kulifuta jina lao chini ya mbingu; nami nitakufanya wewe uwe taifa kubwa lenye nguvu kuliko wao.[#Kum 29:20; Zab 9:5; 109:13]

¹⁵Basi nikageuka nikashuka mle mlimani, mlima ukawaka moto; na vile zile mbao mbili za agano zilikuwa katika mikono yangu miwili.

¹⁶Nikaangalia, na tazama, mlikuwa mmefanya dhambi juu ya BWANA, Mungu wenu; mmefanya ndama ya ng'ombe ya kusubu; mmepotoka punde katika njia aliyowaamuru BWANA.

¹⁷Nikazishika zile mbao mbili, nikazitupa kutoka katika mikono yangu miwili, nikazivunja mbele ya macho yenu.[#Zab 69:9; 119:139]

¹⁸Nikaanguka chini mbele za BWANA siku arobaini usiku na mchana, kama pale kwanza; sikula chakula wala kunywa maji; kwa sababu ya makosa yenu yote mliyofanya, kwa kufanya yaliyo maovu machoni pa BWANA, kwa kumkasirisha.[#Kut 34:28; Zab 106:23]

¹⁹Kwa kuwa niliogopa hasira na makamio aliyowakasirikia BWANA kutaka kuwaangamiza. Lakini BWANA alinisikiza wakati huo nao.[#Ebr 12:21,29; Kut 32:10,11,14; 33:17; Kum 10:10; Zab 106:23; Yak 5:15; Amo 7:1-6]

²⁰BWANA akamkasirikia sana Haruni akataka kumwangamiza; nikamwombea Haruni naye wakati huo.

²¹Kisha nikaitwaa ile dhambi yenu, huyo ndama mliyemfanya, nikamteketeza kwa moto, nikamponda, nikamsaga tikitiki, hata akawa laini kama vumbi; nikalitupa vumbi lake katika kijito kilichoshuka kutoka mlimani.[#Kut 32:20; Isa 2:18-21; 30:22; 31:7; Hos 8:11]

²²Tena huko Tabera, na Masa, na Kibroth-hataava mlimtia BWANA hasira.[#Hes 11:3,34; Kut 17:7]

²³Na wakati alipowatuma BWANA kutoka Kadesh-barnea, akiwaambia, Kweeni mkaimiliki nchi niliyowapa; ndipo mkaasi juu ya maagizo ya BWANA, Mungu wenu, hamkumsadiki wala hamkusikiliza sauti yake.[#Hes 13:3,17; 14:1; Zab 78:22; 106:24; Kum 1:21,26; Ebr 3:16; 4:2]

²⁴Mmekuwa na uasi juu ya BWANA tokea siku nilipowajua ninyi.[#Kum 31:27]

²⁵Ndipo nikaanguka chini mbele za BWANA siku zile arobaini usiku na mchana nilizokuwa nimeanguka chini; kwa kuwa BWANA alisema atawaangamiza.

²⁶Nikamwomba BWANA, nikasema, Ee Bwana Mungu, usiwaangamize watu wako, urithi wako, uliowakomboa kwa ukuu wako, uliowatoa Misri kwa mkono wa nguvu.[#Kut 32:11; 1 Sam 7:9; Mit 15:29; Yer 15:1]

²⁷Wakumbuke watumishi wako, Abrahamu, na Isaka, na Yakobo; usiangalie ukaidi wa watu hawa, wala uovu wao, wala dhambi yao;

²⁸isije nchi uliyotutoa ikasema, Ni kwa sababu BWANA hakuweza kuwaleta katika nchi aliyowahidi, tena ni kwa kuwa aliwachukia, aliwatoa nje ili kuwaua jangwani.[#Mwa 41:57; 1 Sam 14:25; Kut 32:12; Hes 14:16; Kum 32:26,27; Yos 7:7-9; Zab 115:1,2; Isa 48:9-11]

²⁹Nao ni watu wako, urithi wako, uliowatoa kwa nguvu zako kuu na mkono wako ulionyoka.[#Kum 4:20; 1 Fal 8:51; Neh 1:10; Zab 95:7]