Wana wa Yakobo na wa Yuda.

¹Wana wa Isiraeli ndio hawa: Rubeni, Simeoni, Lawi na Yuda, Isakari na Zebuluni,[#1 Mose 35:22-26.]

²Dani, Yosefu na Benyamini, Nafutali, Gadi na Aseri.

³Wana wa Yuda: Eri na Onani na Sela; hawa watatu alizaliwa na Mkanaani binti Sua. Naye Eri, mwanawe wa kwanza wa Yuda, akawa mbaya machoni pa Bwana, kwa hiyo akamwua.[#1 Mose 38:1-7.]

⁴Naye mkwewe Tamari akamzalia Peresi na Zera. Hivyo wana wote wa Yuda walikuwa watano.[#1 Mose 38:29-30.]

⁵Wana wa Peresi ni Hesironi na Hamuli.[#1 Mose 46:12.]

⁶Nao wana wa Zera ni Zimuri na Etani na Hemani na Kalkoli na Dara, wao wote ni watano.

⁷Nao wana wa Karmi ni Akari aliyewaponza Waisiraeli kwa kuuvunja mwiko wa kuchukua mali.[#Yos. 7.]

⁸Nao wana wa Etani ni Azaria.

⁹Nao wana wa Hesironi, aliozaliwa, ni Yerameli na Ramu na Kelubai.[#1 Mambo 2:18,42; Ruti 4:19-22; Mat. 1:3.]

¹⁰Naye Ramu akamzaa Aminadabu, naye Aminadabu akamzaa Nasoni aliyekuwa mkuu wa wana wa Yuda.

¹¹Naye Nasoni akamzaa Salma, naye Salma akamzaa Boazi,

¹²naye Boazi akamzaa Obedi, naye Obedi akamzaa Isai,

¹³naye Isai akamzaa mwanawe wa kwanza Eliabu na wa pili Abinadabu na wa tatu Simea,[#1 Sam. 16:6-10.]

¹⁴wa nne Netaneli, wa tano Radai,[#1 Sam. 17:12.]

¹⁵wa sita Osemu, wa saba Dawidi.

¹⁶Nao maumbu zao ni Seruya na Abigaili. Nao wana wa Seruya ni Abisai na Yoabu na Asa-Eli, hawa watatu.[#2 Sam. 2:18.]

¹⁷Naye Abigaili akamzaa Amasa, naye babake Amasa ni Mwisimaeli Yeteri.[#2 Sam. 17:25.]

¹⁸Naye Kalebu, mwana wa Hesironi, akazaa wana naye mkewe Azuba naye Yerioti; nao wanawe huyo ni hawa: Yeseri na Sobabu na Ardoni.[#1 Mambo 2:9,42.]

¹⁹Azuba alipokufa, Kalebu akamchukua Efurati, naye akamzalia Huri.[#1 Mambo 2:50.]

²⁰Naye Huri akamzaa Uri, naye Uri akamzaa Besaleli.[#2 Mose 31:2.]

²¹Halafu Hesironi akaingia kwa binti Makiri, babake Gileadi; naye akamchukua alipokuwa mwenye miaka 60, akamzalia Segubu.

²²Naye Segubu akamzaa Yairi; huyu Yairi akawa mwenye miji 23 katika nchi ya Gileadi.[#Amu. 10:3.]

²³Lakini Wagesuri na Washami wakavichukua vijiji vya Yairi kwao, Kenati na vijiji vyake, vyote pamoja ni miji 60. Hawa wote ni wana wa Makiri, babake Gileadi.[#1 Fal. 4:13.]

²⁴Hesironi alipokwisha kufa mle Kalebu-Efurata, ndipo, Abia, mkewe Hesironi, alipomzalia Ashuri, babake Tekoa.[#1 Mambo 4:5.]

²⁵Wana wa Yerameli, mwanawe wa kwanza wa Hesironi, walikuwa: wa kwanza Ramu, tena Buna na Oreni na Osemu wa Ahia.[#1 Mambo 2:9.]

²⁶Yerameli akawa na mke mwingine, jina lake Atara, naye ni mamake Onamu.

²⁷Nao wana wa Ramu, mwanawe wa kwanza wa Yerameli, walikuwa: Masi na Yamini na Ekeri.

²⁸Nao wana wa Onamu walikuwa Samai na Yada; nao wana wa Samai ni Nadabu na Abisuri.

²⁹Nalo jina la mkewe Abisuri ni Abihaili, naye akamzalia Abani na Molidi.

³⁰Nao wana wa Nadabu ni Seledi na Apaimu; naye Seledi alipokufa hakuwa na wana.

³¹Nao wana wa Apaimu: Isi; nao wana wa Isi: Sesani; nao wana wa Sesani: Alai.

³²Nao wana wa Yada, nduguye Samai: Yeteri na Yonatani; naye Yeteri alipokufa hakuwa na wana.

³³Nao wana wa Yonatani: Peleti na Zaza. Hawa walikuwa wana wa Yerameli.

³⁴Sesani hakuwa na wana wa kiume, ila wa kike tu. Naye Sesani alikuwa na mtumwa wa Misri, jina lake Yariha.

³⁵Sesani akamwoza huyo mtumwa wake Yariha mwanawe wa kike, akamzalia Atai.

³⁶Naye Atai akamzaa Natani, naye Natani akamzaa Zabadi.

³⁷Naye Zabadi akamzaa Efulali, naye Efulali akamzaa Obedi.

³⁸Naye Obedi akamzaa Yehu, naye Yehu akamzaa Azaria.

³⁹Naye Azaria akamzaa Helesi, naye Helesi akamzaa Elasa.

⁴⁰Naye Elasa akamzaa Sisimai, naye Sisimai akamzaa salumu.

⁴¹Naye Salumu akamzaa Yekamia, naye Yekamia akamzaa Elisama.

⁴²Nao wana wa Kalebu, nduguye Yarameli: Mwanawe wa kwanza Mesa aliye babake Zifu, tena wana wa Maresa aliye babake Heburoni.[#1 Mambo 2:18.]

⁴³Nao wana wa Heburoni: Kora na Tapua na Rekemu na Sema.

⁴⁴Naye Sema akamzaa Rahamu, babake Yorkamu. Naye Rekemu akamzaa Samai.

⁴⁵Naye mwana wa Samai ni Maoni; naye Maoni ni babake Beti-Suri.

⁴⁶Naye Efa, suria ya Kalebu, akamzaa Harani na Mosa na Gazezi; naye Harani akamzaa Gazezi.

⁴⁷Nao wana wa Yadai: Regemu na Yotamu na Gesani na Peleti na Efa na safu.

⁴⁸Maka, Suria ya Kalebu, akamzaa Seberi na Tirihana.

⁴⁹Tena akamzaa Safu, babake Madimana, na Sewa, babake Makibena, na babake Gibea; naye Akisa ni mwana wa kike wa Kalebu.[#Yos. 15:16; Amu. 1:12.]

⁵⁰Hawa walikuwa wana wa Kalebu. Wana wa Huri aliyekuwa mwana wa kwanza wa Efurata ni Sobali, babake Kiriati-Yearimu,[#1 Mambo 2:19.]

⁵¹na Salma, babake Beti-Lehemu, na Harefu, babake Beti-Gaderi.

⁵²Nao wana wa sobali, babake Kiriati-Yearimu, walikuwa Haroe, ndio nusu yao wa Menuhoti.

⁵³Nazo koo za Kiriati-Yearimu ndio Waitiri na Waputi na Wasumati na Wamisirai; kwao hao ndiko, walikotoka Wasorati na Waestauli.[#1 Mambo 4:2.]

⁵⁴Wana wa Salma: Beti-Lehemu na Wanetofati, Atiroti, Beti-Yoabu nayo nusu yao Wamanahati, ndio wasori;[#1 Mambo 9:16.]

⁵⁵nazo koo za waandishi waliokaa Yabesi ndio Watirati, Wasimati, Wasukati. Hawa ndio Wakini waliotoka kwa Hamati, baba yao mlango wa Rekabu.[#Amu. 1:16; Yer. 35.]