Jiwe la pembeni. Ukoo uliochaguliwa.

¹*Jivueni uovu wote na udanganyi wote na ujanja na kijicho na mateto yote![#Ef. 4:22.]

²Kwa kuwa m vitoto vichanga vilivyozaliwa siku hizi, yatakeni maziwa ya kweli yasiyodanganya, mkuzwe nayo, mpaka mwufikie wokovu,[#Mat. 18:3; Ebr. 5:12-13.]

³mkiwa mmeonja, mkaona, ya kuwa Bwana ni mwema![#Sh. 34:9.]

⁴Huyu mjieni! Maana ni jiwe lenye uzima. Kweli watu walilikataa, lakini Mungu amelichagua kuwa lenye heshima.[#Sh. 118:22; Mat. 21:42.]

⁵Nanyi mlio kama mawe yenye uzima mjengwe kuwa nyumba ya Kiroho, mwe watambikaji watakatifu wa kumtolea Mungu vipaji vya tambiko vya kiroho vimpendezavyo kwa ajili ya Yesu Kristo![#1 Petr. 2:9; Rom. 12:1; Ef. 2:21-22.]

⁶Kwa hiyo imeandikwa katika Maandiko kwamba:

Tazameni, naweka humu Sioni jiwe la pembeni

lililochaguliwa kuwa lenye heshima,

naye alitegemeaye hatatwezeka.

⁷Kwa hiyo ninyi mlitegemealo hupata heshima,

lakini wasiolitegemea jiwe hili, waashi walilolikataa,

hilihili huwa kwao jiwe la pembeni

kwamba:

⁸Ni jiwe la kujigongea

na mwamba wa kujikwalia.

Nao hujigonga, kwa sababu hawalitii Neno; navyo ndivyo, walivyowekewa.

⁹Lakini ninyi m ukoo uliochaguliwa, m watambikaji wa kifalme, m chama kitakatifu, m watu wakombolewao, mpate kuyatangaza mema yake yeye aliyewaita, mtoke gizani, mwingie mwangani mwake mlimo na mastaajabu.[#2 Mose 19:6; Ufu. 1:6.]

¹⁰Kale hamkuwa ukoo mmoja,

lakini sasa mmekuwa ukoo wake Mungu.

Tena kale mlikuwa hamjui kuhurumiwa, lakini sasa mmekwisha kuhurumiwa.*

Wageni wanaopita tu.

¹¹*Wapendwa, kwa sababu m wageni wanaopita tu, nawaonya ninyi, mziepuke tamaa za miili zinazozigombanisha roho zenu![#3 Mose 25:23; Sh. 39:13; Yak. 4:1.]

¹²Fanyeni mwenendo ulio mzuri kwa wamizimu! Hivyo wale wanaowasingizia ninyi kuwa watenda maovu, wanapoziona kazi zenu nzuri, watamtukuza Mungu siku ile, atakapowatokea kuwakagua.[#Mat. 5:16.]

Kuutii ukuu.

¹³Kwa ajili ya Bwana utiini ukuu wote uliowekwa na watu: Akiwa mfalme, maana huwapita wote![#Rom. 13:1-7; Tit. 3:1.]

¹⁴Wakiwa viongozi, maana hutumwa naye kulipiza watenda maovu na kuwapa sifa watenda mema!

¹⁵Nayo ndiyo, Mungu ayatakayo, matendo yenu mema yaunyamazishe upuzi wa watu wajinga.[#1 Petr. 3:16.]

¹⁶Kwani mmekwisha kukombolewa, lakini huko kukombolewa, msikugeuze kuwa kifuniko cha kuuficha uovu, ila mjulike kuwa watumwa wake Mungu![#Gal. 5:13; 2 Petr. 2:19.]

¹⁷Wote waheshimuni! Wapendeni ndugu! Mwogopeni Mungu! Mheshimuni mfalme![#Fano. 24:21; Mat. 22:21; Rom. 12:10.]

Mateso yafaayo.

¹⁸Ninyi watumishi, watiini mabwana zenu na woga wote! Msiwatii wale tu walio wema na wapole, ila nao walio wakali![#Ef. 6:5; Tit. 2:9.]

¹⁹Kwani huko ni kugawiwa chema, mtu ateswaye kwa kupotolewa akiyavumilia hayo masikitiko kwa kuwa wake Mungu.

²⁰Kwani ni chema gani cha kukivumisha, mkiyavumilia mapigo, myapatayo kwa sababu ya kukosa? Lakini mkiyavumilia mateso yawapatayo kwa sababu ya kutenda mema, hiki ndicho chema, Mungu alichowagawia.*[#1 Petr. 3:14,17; 4:13,14; Mat. 5:10.]

²¹*Maana ndiyo mliyoitiwa. Kwani Kristo naye aliteswa kwa ajili yenu, akawaachilia kielezo, mpate kufuata nyayo zake.[#Mat. 16:24.]

²²Yeye hakufanya lenye kukosa, uwongo tu haukuonekana kinywani mwake.[#Yes. 59:3; Yoh. 8:46; 2 Kor. 5:21.]

²³Alipotukanwa hakutukana naye, alipoteseka hakutisha, ila aliyapeleka kwake yeye anayehukumu kwa kweli.

²⁴Aliyachukua mwenyewe makosa yetu, nao mwili wake ndio ulioyakweza mtini, sisi tupate kuyaepuka makosa na kuukalia wongofu, namo katika mavilio yake ndimo, mlimoponea.[#Yes. 53:4-5; Rom. 6:8,11; 1 Yoh. 3:5.]

²⁵Kwani mlikuwa kama kondoo waliopotea. Lakini sasa mmegeuzwa, mmwelekee mchungaji na mkaguzi wa roho zenu.*[#1 Petr. 5:4; Yes. 53:6; Ez. 34:5; Yoh. 10:12.]