Hata wafu walipigiwa mbiu njema.

¹Kwa sababu Kristo aliteswa mwilini kwa ajili yetu, jipeni nanyi mioyo iliyo hivyo, iwashindishe! Kwani atesekaye mwilini huacha kukosa,

²nazo siku zake zilizosalia za kuwapo mwilini hatazimaliza na kuzifuata tamaa za watu, ila atafanya, Mungu ayatakayo.

³Kwani inatosha, ya kuwa siku zilizopita mmeyafanya, wamizimu wayatakayo, mkifuata uasherati na tamaa na ulevi na ulafi na unywaji na matambiko ya vinyago yamchukizayo Mungu.[#Ef. 2:2-3; Tit. 3:3.]

⁴Wale wanayastukia, ya kuwa sasa hamfuatani nao na kujipujua pasipo kiasi; kwa hiyo wanawatukana.

⁵Lakini atakayewalipiza ni yeye aliye tayari kuwahukumu wanaoishi nao waliokufa.[#Tume. 10:42; 2 Tim. 4:1.]

⁶Kwani kwa hiyo hata wafu walipigiwa mbiu njema, wahukumiwe kimwili, kama iwapasavyo watu, kisha wapate kuwapo kiroho, kama Mungu anavyokuwapo.[#1 Petr. 3:19.]

Maonyo menginemengine.

⁷Mwisho wa vitu vyote uko karibu. Kwa hiyo mjiangalie, mlevuke, mpate kuomba![#1 Kor. 10:11; 1 Yoh. 2:18.]

⁸*Lakini kupita yote: jikazeni kupendana wenyewe! Kwani upendano hufunika makosa mengi.[#Fano. 10:12; Yak. 5:20.]

⁹Mkaribishane pasipo kunung'unika![#Ebr. 13:2.]

¹⁰Mtumikiane ninyi kwa ninyi, kila mtu akikitumia chema chake, alichogawiwa! Hivyo mtakuwa watunzaji wazuri wa yale mema mengi ya Mungu.

¹¹Mtu akisema na ayaseme, kama ni kusema maneno ya Mungu! Mtu akitumika na atumike kwa kuwa mtu aliyepewa nguvu na Mungu kwamba: Katika mambo yote Mungu atukuzwe kwa ajili ya Yesu Kristo! Wake yeye ni utukufu na uwezo kale na kale pasipo mwisho! Amin.*[#Rom. 12:7.]

Mateso kwa ajili ya Kristo.

¹²*Wapendwa, msistuke kama wenye kuona neno geni mkipatwa na mambo yenye moto! Maana mtajaribiwa tu.[#1 Petr. 1:6-7.]

¹³Ila mkiwa wenzake Kristo wa kuteseka changamkeni! Maana hapo, utukufu wake utakapotokea waziwazi, ndipo, mtakapochangamka na kushangilia.[#Tume. 5:41; Rom. 8:17; Yak. 1:2.]

¹⁴M wenye shangwe mkitukanwa kwa kuwa mnalo Jina lake Kristo. Kwani Roho wa utukufu na na wa Mungu anawakalia.[#1 Petr. 2:20; Mat. 5:11.]

¹⁵Lakini kwenu asioneke ateswaye kwa kuwa mwuaji au mwizi au mtenda maovu au mkaguzi wa mambo yasiyo yake!

¹⁶Lakini mtu akiteseka kwa kuwa Mkristo, asione soni, ila amtukuze Mungu kwa kuwamo katika Jina hili![#Fil. 1:20.]

¹⁷Kwani siku zimetimia, hukumu ianze kwao walio wa Nyumba ya Mungu. Basi, ikianza kwetu itakuwaje mwishoni kwao waliokataa kutii Utume mwema wa Mungu?[#Yer. 25:29; Ez. 9:6.]

¹⁸Tena mwongofu akiona: kuokoka ni kugumu, asiyemcha Mungu na mkosaji atapona wapi?[#Fano. 11:31; Luk. 23:31.]

¹⁹Kwa hiyo nasema: Wenye kuteseka kwa hayo, Mungu aliyoyataka, watende mema! Hivyo wataweza kumwagizia yeye roho zao, maana ni muumbaji mwelekevu.*[#Sh. 31:6; Luk. 23:46.]