Siku ya kurudi kwake Kristo.

¹Ndugu, hampaswi na kuandikiwa, kama itakuwa mwaka gani au siku gani, hayo yatakapokuwapo.[#Mat. 24:36.]

²Kwani wenyewe mwajua sana: siku ya Bwana itafika, kama mwizi anavyokuja usiku.

³Watakaposema: Pametengemana, pametulia, ndipo, watakapogunduliwa na mwangamizo, kama uchungu wa kuzaa unavyompata mwenye mimba; kwa hiyo hawataweza kukimbia.[#Mat. 24:42-44; 2 Petr. 3:10; Ufu. 3:3; 16:15.]

⁴Lakini ninyi, ndugu, hammo gizani, kwa hiyo siku ile hitawafumania kama mwizi.[#Yer. 6:14; Mat. 24:39.]

⁵Kwani ninyi wote ni wana wa mwanga na wana wa mchana; sisi hatu wa usiku, wala wa giza.[#Rom. 13:12; Ef. 5:9.]

⁶Kwa sababu hii tusilale usingizi, kama wale wengine wanavyolala usingizi, ila tukeshe na kulevuka!

⁷Kwani wanaolala usingizi hulala usiku, nao wanaolewa hulewa usiku.

⁸Lakini sisi tulio wa mchana tulevuke! Kisha tujivike mata: kumtegemea Mungu na kupendana kuwe kanzu zetu za chuma, nako kuungojea wokovu kuwe kofia zetu ngumu.[#Ef. 6:14-17.]

⁹Kwani Mungu hakutuweka, tuishie kwa makali yake, ila alituweka, tuupate wokovu kwa kazi ya Bwana wetu Yesu Kristo

¹⁰aliyekufa kwa ajili yetu sisi, tupate kuishi pamoja naye yeye, tukiwa tuko macho, au tukiwa tumelala usingizi.[#1 Tes. 4:14; Rom. 14:8-9.]

¹¹Kwa hiyo mtulizane na kujengana kila mmoja na mwenzake, kama mnavyofanya![#Yuda 20.]

Maonyo na salamu.

¹²Ndugu, twawaomba sana, mwajue wale wanaojisumbua kwenu ninyi wakiwasimamia, mkae naye Bwana, tena wakiwaonya.[#1 Kor. 16:18.]

¹³Jipigieni sana kuwapa macheo na kuwapenda kwa ajili ya kazi yao! Pataneni ninyi kwa ninyi!

¹⁴*Lakini twawahimiza ninyi, ndugu: Waaonyeni wenye mambo ya ovyo tu, watulizeni wenye mioyo miepesi, wasaidieni wanyonge, wo wote waendeeni kwa uvumilivu![#2 Tes. 3:15.]

¹⁵Mwangalie, mtu asimlipe mwenziwe uovu kwa uovu! Ila siku zote myafuate yaliyo mema, myapatiane ninyi kwa ninyi, hata wengine wote![#Fano. 20:22; Rom. 12:17,21; 1 Petr. 3:9.]

¹⁶Changamkeni siku zote![#Fil. 4:4.]

¹⁷Mwombeni Mungu pasipo kukoma![#Luk. 18:1-8; Rom. 12:12; Kol. 4:2.]

¹⁸Katika mambo yote toeni shukrani! Kwani haya ndiyo, Mungu ayatakayo, myafanye, kwa kuwa wake Kristo Yesu.[#Ef. 5:20.]

¹⁹Roho msimzime![#1 Kor. 14:30,39.]

²⁰Mafumbuo msiyabeze![#1 Kor. 14:1.]

²¹Ila yote yapambanueni, kisha lishikeni lililo jema![#1 Kor. 14:29; 1 Yoh. 4:1.]

²²Yote yaonekanayo kuwa mabaya yaepukeni!

²³Lakini yeye Mungu aliye mwenye utengemano awatakase ninyi nyote miili na mioyo, kwamba roho zenu zote nzima pamoja na mioyo na miili zilindwe, zikae pasipo doadoa lo lote, mpaka Bwana wetu Yesu Kristo atakaporudi!

²⁴Naye aliyewaita ni mwelekevu, naye ndiye atakayeyafanya.*[#1 Kor. 1:9; 2 Tes. 3:3.]

²⁵Ndugu, tuombeeni kwake Mungu!

²⁶Wasalimuni ndugu wote na kunoneana, kama watakatifu walivyozoea![#1 Kor. 16:20.]

²⁷Nawaapisha ninyi kwa Bwana, barua hii isomewe ndugu wote.

²⁸Upole wa Bwana wetu Yesu Kristo uwakalie! Amin.