Ujanja wao wenye kukataza kuoa.

¹Lakini Roho anasema waziwazi: Siku za mwisho watakuwako watakaoacha kumtegemea Mungu, wakifuata rohoroho za upotevu na mafundisho ya mapepo:[#Mat. 24:24; 2 Tim. 3:1; 2 Petr. 3:3; 1 Yoh. 2:18; Yuda 18.]

²ndio watu waliodanganywa nao wanaojitendekeza kwa kusema uwongo na kwa kuficha, ya kuwa wenyewe wamechomwa moto mioyoni kwa kufanya hivyo.

³Ndio wanaokataza watu kuoa, tena hutangaza miiko ya vyakula, Mungu alivyoviumba, wavile na kushukuru, wakiwa wenye kumtegemea na kuyatambua yaliyo ya kweli.[#1 Mose 9:3-4; 1 Kor. 10:30-31.]

Upato wa kumcha Mungu.

⁴*Kwani kila kilichoumbwa na Mungu ni kizuri, wala hakuna chenye mwiko kinacholiwa, watu wakimshukuru.[#1 Mose 1:31; Tume. 10:15.]

⁵Kwani kinatakaswa kwa neno lake Mungu, watu wanapokiombea.

⁶Ukiwafundisha ndugu mambo hayo utakuwa mtumishi mzuri wa Kristo Yesu, nawe utajilisha maneno, tuyategemeayo, tunayoyafundisha kwamba: Ni mazuri; ni hayo, uliyoyafuata nawe.

⁷Lakini yale masimulio yasiyo na maana, yapendezayo wazee wa kike tu, yakatae! Jizoeze kumcha Mungu![#1 Tim. 1:4; 6:20; 2 Tim. 2:16,23; Tit. 1:14; 3:9.]

⁸Kwani mazoezo ya mwili hufalia mambo machache tu; lakini kumcha Mungu hufalia mambo yote, tena kunacho kiago cha uzima wa sasa na cha ule utakaokuwapo.[#1 Tim. 6:6.]

⁹Neno hili ni la kweli, nalo linapasa kushikwa na watu wote.[#1 Tim. 2:3-4.]

¹⁰Kwani kwa sababu hii twasumbuka tukigombezwa, ya kuwa tumemngojea Mungu Mwenye uzima aliye mwokozi wa watu wote, kwanza wao wamtegemeao.

¹¹Mambo haya uyaagize na kuyafundisha!*

¹²Mtu asikubeze kwamba: U kijana bado! Ila wenye kumtegemea Mungu uwe kielezo chao cha kujifundishia kusema na kuendelea na kupendana na kumtegemea Mungu na kujitakasa.[#Tit. 2:15.]

¹³Mpaka nitakapofika, ufulize kuwasomea na kuwaonya na kuwafundisha![#Kol. 4:16; 1 Tes. 5:27.]

¹⁴Usiache kuyatunza yale mema, uliyogawiwa kwa kufumbuliwa kwanza, kisha ukayapata kwa kubandikiwa mikono ya wazee.[#1 Tim. 1:18; 5:22; Tume. 6:6; 8:17.]

¹⁵Mambo hayo uyatunze, ushikamane nayo, wote wapate kuona, unavyoendelea!

¹⁶Jiangalie mwenyewe, uyaangalie nayo, unayoyafundisha, ujikaze yayo hayo! Kwani ukiyafanya hayo utajiokoa mwenyewe, hata wanaokusikia.[#Rom. 11:14.]