Yotamu ni mfalme mwema.

¹Yotamu alikuwa mwenye miaka 25 alipoupata ufalme, akawa mfalme miaka 16 mle Yerusalemu. Jina la mama yake ni Yerusa, binti Sadoki.

²Akayafanya yanyokayo machoni pake Bwana kama yote, aliyoyafanya baba yake Uzia, namo Jumbani mwa Bwana hakuingia; lakini watu wakaendelea kuyafanya yasiyofanywa.[#2 Mambo 26:16.]

³Yeye ndiye aliyelijenga lango la juu la Nyumba ya Bwana, hata kuta za Ofeli akazijenga vema.

⁴Hata milimani katika nchi ya Yuda akajenga miji, nako miituni akajenga ngome na minara.[#2 Mambo 26:10.]

⁵Tena akapiga vita na mfalme wa wana wa Amoni akawashinda. Kwa hiyo wana wa Amoni hawakuwa na budi kumpa katika mwaka huo vipande 100 vya fedha, ndio shilingi milioni na 200000 na ngano frasila 100000 na mawele vilevile frasila 100000. Hata mwaka wa pili na wa tatu wana wa Amoni wakamtolea yayo hayo.

⁶Yotamu akendelea kupata nguvu, kwa kuwa njia zake, alizozishika, zilimwelekea Bwana Mungu wake.

Kufa kwake Yotamu.

⁷Mambo mengine ya Yotamu na vita vyake vyote na njia zake tunaziona, zimeandikwa katika kitabu cha wafalme wa Waisiraeli na wa Wayuda.

⁸Alikuwa mwenye miaka 25 alipoupata ufalme, akawa mfalme miaka 16 mle Yerusalemu.

⁹Kisha akaja kulala na baba zake, wakamzika mjini mwa Dawidi, naye mwanawe Ahazi akawa mfalme mahali pake.