Paulo alivyosingiziwa.

¹Nawaonya ninyi kwa upole na kwa utu wa Kristo mimi Paulo mwenyewe niliye mnyenyekevu kwenu nikiwaona, nikawatolea makali nikiwa mbali![#1 Kor. 2:3.]

²Nawaomba, msinishurutishe kuyatumia hayo makali nitakapofika. Mwenyewe nadhani, yafaa kuwaendea na nguvu wale wachache wanaotudhania, ya kwamba sisi huendelea na kufuata tamaa za miili.[#2 Kor. 10:11; 1 Kor. 4:21.]

³Kwani hata tunapoendelea katika miili hatujigombei, kama miili itakavyo.

⁴Kwani mata ya magombano yetu si ya kimwili, lakini yako na nguvu ya Kimungu, yaweza kubomoa ngome kama hapo, yanaponyenyekeza mawazo yote[#Ef. 6:13-17.]

⁵ya kujikweza na kuuinukia utambuzi wa Mungu, au yanapoteka mawazo yote, yaje kumtii Kristo.[#Rom. 8:39.]

⁶Nasi tuko tayari kumlipiza kila mtu asiyetii, hapo mtakapokuwa mmemaliza kutii.

⁷Yatazameni yanayoonekana machoni! Mtu akijishikiza kwa kwamba: Ni wa Kristo, na atie hili nalo moyoni la kwamba: Kama yeye alivyo wa Kristo, vivyo hivyo nasi!

⁸Ikiwa nafuliza kujivunia nguvu yetu, Bwana aliyotupa, tuwajenge, tusiwajengue, napo hapo sitashindika kuwa mwongo,[#2 Kor. 12:6; 13:10; 1 Kor. 5:4-5.]

⁹wala sitafanana na mtu anayewaogopesha tu kwa barua.

¹⁰Kwani wako wanisengenyao kwamba: Barua zake ni ngumu zenye nguvu, lakini akiwapo kwa mwili ni mnyonge, nayo maneno yake hubezeka.[#2 Kor. 10:1.]

¹¹Aliye hivyo na alifikiri hili: tunavyovisema kwa barua tusipokuwapo, ndivyo, tutakavyovitimiza tutakapokuwapo.[#2 Kor. 13:2,10.]

¹²Kwani hatujipi moyo wa kujihesabu au kujifananisha nao walioko, wakijisifu wenyewe. Lakini hao hakuna, wajuacho maana, kwani kipimo chao cha kujipima ndio wenyewe tu, nao mfano wa kujifananisha nao ndio wenyewe tu.[#2 Kor. 3:1; 5:12.]

¹³Lakini sisi hatutaki kujivuna pasipo kipimo, ila kipimo chetu ni mpaka, Mungu aliotukatia; hivyo tulifika hata kwenu.[#Rom. 12:3.]

¹⁴Kwani hatujitanui wenyewe kama wasiowafikia, maana hata kwenu ni sisi waliotangulia kuwatangazia Utume mwema wa Kristo.

¹⁵Nasi hatuupiti mpaka, tujivunie masumbuko yao wengine, lakini kumtegemea Mungu kutakapokulia kwenu, papo hapo tunangojea mipaka yetu, tuliyowekewa, ikuzwe kuipita ile ya kwenza,[#Rom. 15:20; Gal. 1:16; 2:7.]

¹⁶tupate kuutangaza Utume mwema hata kwao wakaao mbali kuwapita ninyi. Lakini hatutafuti majivuno tukiingia nchi iliyoisha kupigiwa hiyo mbiu njema na wengine.[#Tume. 19:21.]

¹⁷Lakini mwenye kujivuna na ajivunie kuwa wa Bwana![#Yer. 9:23-24; 1 Kor. 1:31.]

¹⁸Kwani anayejisifu mwenyewe siye mkweli, ila yule anayesifiwa na Bwana.[#1 Kor. 4:5.]