Matendo mema ya mfalme Yoasi.

¹Katika mwaka wa 7 wa Yehu Yoasi akawa mfalme, akaushika ufalme mle Yerusalemu miaka 40, nalo jina la mama yake ni Sibia wa Beri-Seba.

²Yoasi akayafanya yanyokayo machoni pake Bwana siku zake zote, mtambikaji Yoyada alizomfundisha.

³Matambiko ya vilimani tu hayakukoma, maana watu wakaendelea bado kutoa ng'ombe za tambiko na kuvukiza vilimani pa kutambikia.[#1 Fal. 22:44; 2 Fal. 14:4.]

⁴Yoasi akawaambia watambikaji: Fedha zote zinazoletwa Nyumbani mwa Bwana, ziwe mali za Bwana, kama ni fedha, mtu anazozitoa mwenyewe, au kama ni fedha za kujikomboa, fedha zo zote, mtu atakazowaza moyoni mwake kuzipeleka Nyumbani mwa Bwana,

⁵watambikaji na wajitwalie kila mtu kwao, anaojuana nao. Kisha wao wenyewe wapatengeneze, Nyumba ilipobomoka, po pote panapoonekana palipobomoka.

⁶Lakini katika mwaka wa 23 wa mfalme Yoasi watambikaji walikuwa hawajapatengeneza bado, Nyumba ilipobomoka.

⁷Ndipo, mfalme Yoasi alipomwita mtambikaji Yoyada na watambikaji wengine, akawaambia: Mbona hamjapatengeneza, Nyumba ilipobomoka? Sasa msijitwalie fedha kwao, mnaojuana nao, ila sharti mzitoe za kupatengeneza, Nyumba ilipobomoka.

⁸Watambikaji wakaitikia, wasijitwalie tena fedha kwa watu, wala wasipatengeneze wao, Nyumba ilipobomoka.

⁹Ndipo, mtambikaji Yoyada alipochukua kasha moja, akatoboa tundu katika kifuniko chake, akaliweka penye meza ya kutambikia kuumeni kwake pa kuingia Nyumbani mwa Bwana; ndimo, watambikaji waliolinda vizingiti walimotia fedha zote zilizoletwa Nyumbani mwa Bwana.

¹⁰Walipoona, ya kuwa fedha zimo nyingi mle kashani, mwandishi wa mfalme na mtambikaji mkuu wakapanda, wakazifunga na kuzihesabu fedha zote zilizooneka Nyumbani mwa Bwana.

¹¹Fedha zilipokwisha kupimwa zikatiwa mikononi mwao wenye kazi hiyo waliowekwa kuisimamia Nyumba ya Bwana; nao wakazitumia kuwalipa maseremala na mafundi wengine walioijenga Nyumba ya Bwana,

¹²kama waashi na wachonga mawe. Tena walizitumia za kununua miti na mawe ya kuchonga ya kupatengeneza, Nyumba ya Bwana ilipobomoka, na kuvilipa vyote vingine vilivyotakiwa vya kuitengeneza Nyumba ya Bwana.

¹³Lakini mabakuli ya fedha na makato ya kusafishia mishumaa na vyano na matarumbeta na vyombo vyo vyote vya dhahabu na vya fedha vya kutumiwa Nyumbani mwa Bwana havikutengenezwa kwa zile fedha zilizoletwa Nyumbani mwa Bwana.

¹⁴Kwani waliozipata ni wale tu waliofanya kazi za kuitengeneza Nyumba ya Bwana,

¹⁵Nao hao, waliowapa hizo fedha mikononi mwao, wawalipe wafanya kazi, hawakuzihesabu nao, kwani walifanya kazi zao kwa welekevu.[#2 Fal. 22:7.]

¹⁶Fedha za tambiko la weuo nazo fedha za tambiko la upozi hazikupelekwa Nyumbani mwa Bwana, zilikuwa mali za watambikaji.

Hazaeli anampelekea Yoasi vita.

¹⁷Siku zile Hazaeli, mfalme wa Ushami, akapanda, akapiga vita huko Gati; alipokwisha kuuteka, Hazaeli akaulekeza uso wake kuupandia Yerusalemu.[#2 Fal. 10:32.]

¹⁸Ndipo, Yoasi, mfalme wa Wayuda, alipovichukua vipaji vitakatifu vyote, Yosafati na Yoramu na Ahazia walivyovitoa, viwe mali za Bwana, na vipaji vitakatifu, alivyovitoa yeye, nazo dhahabu zote zilizopatikana katika vilimbiko vya Nyumba ya Bwana namo katika vilimbiko vya nyumba ya mfalme, akampelekea Hazaeli, mfalme wa Ushami; ndipo, alipoondoka Yerusalemu.[#1 Fal. 15:18.]

Kuuawa kwake Yoasi.

¹⁹Mambo mengine ya Yoasi, nayo yote aliyoyafanya, hayakuandikwa katika kitabu cha mambo ya siku za wafalme wa Wayuda?

²⁰Watumishi wake wakamwinukia na kumlia njama, kisha wakamwua Yoasi katika boma la Milo panapotelemkia silo.[#2 Fal. 14:5.]

²¹Watumishi wake, Yozakari, mwana wa simati, na Yozabadi, mwana wa someri, ndio waliomwua; alipokufa, wakamzika kwa baba zake mjini mwa Dawidi, naye mwanawe Amasia akawa mfalme mahali pake.[#2 Fal. 14:1.]