Paulo katika Makedonia.

¹Lile fujo lilipotulia, Paulo akatuma watu kuwaita wanafunzi, akawatuliza mioyo, akaagana nao, akaondoka kwenda Makedonia.

²Akapita pande zile akiwatuliza mioyo na kuwaambia maneno mengi, kisha akafidka Ugriki.

³Akakaa huko miezi mitatu. Alipotaka kuingia chomboni, aende Ushami, Wayuda walimlia njama. Kwa hiyo akapendezwa kurudi na kupita Makedonia.

⁴Waliofuatana naye mpaka Asia ni Sopatiro, mwana wa Puro wa Beroya, na Aristarko na Sekundo wa Tesalonike na Gayo wa Derbe na Timoteo; tena Tikiko na Tirofimo wa Asia.[#Tume. 17:10; 19:29.]

⁵Hao walitangulia, wakatungoja Tiroa.[#Tume. 16:8.]

⁶Siku za mikate isiyotiwa chachu zilipopita, nasi tukatweka, tukaondoka Filipi, tukawafikia huko Tiroa siku ya tano, tukaa huko siku saba.

Eutiko.

⁷Siku ya kwanza ya juma tulipokuwa tumekusanyikia kumegeana mkate, Paulo akasema nao; kwa sababu alitaka kuondoka kesho yake, akaendelea kusema mpaka usiku wa manane.[#Tume. 2:42,46; 1 Kor. 16:2.]

⁸Mkawa na taa nyingi katika chumba cha juu, tulimokuwa tumekusanyika.

⁹Mlikuwa na kijana, jina lake Eutiko, alikuwa amekaa dirishani, akasinzia mno. Paulo alipofuliza kusema, akashindwa na usingizi, akaanguka toka dari ya tatu mpaka chini, akainuliwa amekufa.

¹⁰Lakini Paulo akashuka, akamwangukia, akamkumbatia, akasema: Msipige makelele! Kwani roho yake ingalimo mwake.[#1 Fal. 17:21.]

¹¹Akapanda tena, akamega mkate, akala, akaongea mengi nao, mpaka kulipopambazuka. ndivyo, alivyotoka huko.

¹²Lakini yule kijana walimleta, yuko mzima, kwa hiyo mioyo yao ikawatulia kabisa.

¹³Lakini sisi tulitangulia kuingia chomboni, tukatweka kwenda Aso; ndiko, tulikotaka kumpakia Paulo. Kwani alikuwa ametuagiza hivyo; mwenyewe alitaka kufika huko kwa miguu.

¹⁴Naye alipokutana nasi huko Aso, tukampakia, tukafika Mitilene.

¹⁵Tukatweka huko, kesho yake tukaelekea Kio; kesho kutwa tukatia nanga Samo, tukakaa Tirogilio, mtondogoo tukafika Mileto.

¹⁶Kwani Paulo alitaka kupita Efeso kwa chombo, asipate kukawia katika Asia, maana alikwenda mbiombio, kwa sababu alitaka ikiwezekana, kuila sikukuu ya Pentekote huko Yerusalemu.[#Tume. 18:21.]

Paulo na wazee wa Efeso.

¹⁷*Lakini toka Mileto alituma mtu Efeso kuwaita wazee wa wateule.

¹⁸Hao walipofika kwake, akawaambia: Ninyi mnajua, nilivyokaa nanyi siku zote tangu siku ya kwanza, nilipofika Asia:[#Tume. 18:19; 19:10.]

¹⁹nimemtumikia Bwana kwa unyenyekevu wote, hata nilipoulizwa, hata nilipojaribiwa na Wayuda mara kwa mara, wakininyatia.[#Tume. 20:3.]

²⁰Hakuna neno lenye kufaa, nililowanyika nikiacha kulitangaza, tena sikuacha kuwafundisha mkikusanyika au nikienda nyumba kwa nyumba.

²¹Kwa ushahidi wangu nimewahimiza Wayuda na Wagriki, wajute na kurudi kwake Mungu, tena wamtegemee Bwana wetu Yesu.

²²Sasa tazameni, kwa hivyo, nilivyofungwa na Roho, ninakwenda Yerusalemu, nisijue yatakayonipata huko.[#Tume. 19:21.]

²³Naijua hii tu, ya kuwa Roho Mtakatifu hunishuhudia mijini mote, nifikamo, kwamba: Mapingu na maumivu yananingoja.[#Tume. 9:16; 21:4,11.]

²⁴Lakini ninajiwazia kwamba: Si kitu, mwenyewe nikiangamia; lakini kilicho kitu, ni kuumaliza mwendo wangu na utumishi wangu, niliopewa na Bwana Yesu, niushuhudie Utume mwema wa gawio lake Mungu.[#Tume. 21:13.]

²⁵Sasa tazameni, mimi ninajua, ya kuwa hamtauona tena uso wangu ninyi nyote, ambao nilipita kwao na kuutangaza ufalme.

²⁶Kwa hiyo ninawaambia waziwazi siku hii ya leo kwamba: Ninyi nyote hakuna, ambaye ninawiwa naye damu ya mtu.[#Tume. 18:6; Ez. 3:17-19.]

²⁷Kwani sikuacha kuwatangazia mapenzi yote ya Mungu.

²⁸Jilindeni wenyewe na kikundi chote! Kwani Roho Mtakatifu amewaweka, mwe wakaguzi wao, mwachunge wateule wake Mungu, aliojichumia kwa kuitoa damu yake mwenyewe.[#1 Tim. 4:16; 1 Petr. 5:2-4.]

²⁹Mimi najua: Nitakapokwisha kuondoka, wataingia chui wakali kwenu wasiowaonea huruma wao wa kikundi hiki.[#Mat. 7:15.]

³⁰Tena miongoni mwenu wenyewe watainuka watu wakaofundisha mapotovu, wapate kuwavuta nao walio wanafunzi, wawaandamie.[#1 Yoh. 2:18.]

³¹Kwa hiyo kesheni na kukumbuka, ya kuwa miaka mitatu sikuacha usiku na mchana kumwonya kila mmoja kwa kutoa machozi!

³²Sasa hivi ninawaweka mikononi mwake Mungu, awagawie Neno lake linaloweza kuwajenga na kuwapa fungu kwao wote waliotakaswa.

³³Sikutaka fedha au dhahabu au mavazi ya mtu.[#1 Sam. 12:3; Mat. 10:8; 1 Kor. 9:12.]

³⁴Mnatambua wenyewe: hii mikono yangu imetumika kunichumia yaliyotulisha mimi na wenzangu waliokuwa pamoja nami.[#Tume. 18:3; 1 Kor. 4:12; 1 Tes. 2:9; 4:11.]

³⁵Kwangu mimi nimewaonyesha yote, ya kuwa imetupasa kusumbukia kazi vivyo hivyo, tupate kuwasaidia wanyonge, tukiyakumbuka maneno ya Bwana Yesu, aliyoyasema mwenyewe: Kumpa mtu huna upato kuliko kupewa.

³⁶Alipokwisha kusema hivyo akapiga magoti pamoja nao wote, akaomba.[#Tume. 21:5.]

³⁷Wote wakalia sana, wakamkumbatia Paulo lshingoni, wakamnonea.

³⁸Lililowasikitisha zaidi ni neno lile, alilolisema, ya kuwa hawatamwona tena uso kwa uso. Kisha wakamsindikiza hata chomboni.*[#Tume. 20:25.]