Ombolezo

¹Lisikieni neno hili, ninalowatolea mimi!

Ni ombolezo la kuwaombolezea ninyi mlio mlango wa Isiraeli:

²Ameanguka, hatainuka tena mwanamwali wa Isiraeli,

amebwagwa, alale juu ya nchi yake, hakuna atakayemwinua.

³Kwani hivi ndivyo, Bwana Mungu anavyosema:

Mji unaopeleka elfu vitani utasaza mia tu,

nao unaopeleka mia utasaza kumi tu kwao walio mlango wa Isiraeli.

⁴Kwani hivi ndivyo, Bwana anavyowaambia walio mlango wa

Isiraeli:

Nitafuteni! Ndipo, mtakapopona.

⁵Lakini msinitafute huko Beteli! Wala msije kuingia

Gilgali!

Wala msiondoke kwenda Beri-Seba!

Kwani Gilgali utatekwa na kuhamishwa,

nao Beteli utageuka kuwa si kitu.

⁶Mtafuteni Bwana! Ndipo, mtakapopona.

Asiujie mlango wa Yosefu kama moto utakaouteketeza,

kwa kuwa Beteli hakuna atakayeweza kuuzima.

⁷Mashauri yapasayo mnayageuza kuwa uchungu,

nayo yaongokayo mnayakanyaga uvumbini.

⁸Yeye ndiye aliyezifanya nyota,

zile za Kilimia nazo zake Choma, nikuchome!

Yeye ndiye anayeigeuza giza kuwa mapema,

tena mwanga wa mchana huugeuza kuwa giza ya usiku!

Yeye ndiye anayeyaita maji ya bahari,

akayafurikisha juu ya nchi! Bwana ni Jina lake.

⁹Yeye ndiye anayewaletea wanguvu mwangamizo, uwatokee kama umeme,

nayo miji yenye maboma ya nguvu iingiliwe na mwangamizo.

¹⁰Wao humchukia ayakataye mashauri ya langoni sawasawa,

naye asemaye ya kweli huwachafua mioyo.

¹¹Kwa kuwa mnamkanyaga mnyonge, mkamtoza kodi ya ngano,

mmepata kujijengea nyumba za mawe ya kuchonga,

lakini hamtakaa ndani yao;

mkajipandia mashamba mazuri ya mizabibu,

lakini hamtazinywa mvinyo zao.

¹²Kwani ninayajua mapotovu yenu yaliyo mengi

nayo makosa yenu yanayozidi.

Mnamsonga aliye mwongofu mkitaka kupenyezewa,

mkawapotoa maskini, wasishinde shaurini.

¹³Kwa hiyo aliye mwenye akili hunyamaza siku hizi,

kwani siku hizi ni mbaya kweli.

¹⁴Yatafuteni yaliyo mema mkiyaacha yaliyo mabaya, mpate kupona!

Ndipo, Bwana Mungu Mwenye vikosi atakapokuwa nanyi,

kama mlivyosema wenyewe.

¹⁵Yachukieni yaliyo mabaya! Yapendeni yaliyo mema!

Simamisheni langoni mashauri yaliyo sawa!

Ndipo, Bwana Mungu Mwenye vikosi atakapowahurumia

walio masao yake Yosefu.

¹⁶Kweli Bwana Mungu Mwenye vikosi, yeye Bwana anasema hivi:

Katika viwanja vyote yatakuwako maombolezo,

napo barabarani po pote watalia kwamba: Hoi! Hoi!

Mkulima watamwita shambani, aje kuingia matanga,

nao wajuao maombolezo watawaita, waje kuwalilia.

¹⁷Katika mashamba yote ya mizabibu yatakuwako

maombolezo,

kwani nitapita kwako katikati;

ndivyo, Bwana anavyosema.

¹⁸Yatawapata wanaoitamani siku ya Bwana!

Ninyi siku ya Bwana itawafaliaje? Ndiyo giza, siyo

mwanga.

¹⁹Itakuwa, kama mtu akimkimbia simba, akaja kukutana na

chui,

au kama mtu akiingia nyumbani, akauegemeza mkono wake

ukutani,

kisha akatokea nyoka, akamwuma.

²⁰Je? Siku ya Bwana siyo giza? Ndio, haina mwanga;

ni yenye weusi, hauangazi kabisa.

Mungu hataki matambiko yasiyotoka mioyoni.

²¹nimechukizwa na sikukuu zenu, sizitaki;

wala mnuko wa mikutano yenu ya kunitambikia usinijie!

²²Ingawa mnitolee ng'ombe za kuteketezwa nzima

pamoja na vipaji vyenu vya tambiko, sitapendezwa,

wala vinono vyenu vya kunishukuru sitavitazama.

²³Iondoe kwangu milio ya nyimbo zako!

Nazo sauti za mapango yako sitaki kuzisikia.

²⁴Lakini mashauri yaliyo sawa na yaendelee kama maji,

nayo yaongokayo na yawe kama mto usiokupwa!

²⁵Je? Ng'ombe na vipaji, mlivyovitoa nyikani miaka

arobaini,

vilikuwa vya kunitambikia mimi, ninyi mlio mlango wa

Isiraeli?

²⁶Kwa kuwa mlimchukua Sikuti, awe mfalme wenu,

navyo vinyua vyenu vya Kiyuni, mlivyojifanyizia wenyewe,

viwe nyota zake mungu wenu:

²⁷basi, kwa hiyo nitawahimisha, mwende mbali kuliko

Damasko.

Ndivyo, Bwana anavyosema; Mungu Mwenye vikosi ni Jina

lake.