Anwani.

¹Mimi Paulo niliye mtume wa Kristo Yesu kwa hayo, Mungu ayatakayo, na ndugu Timoteo[#Rom. 1:7.]

²tunawaandikia ninyi mlioko Kolose, ndugu watakatifu mnaomtegemea Kristo: Upole uwakalie na utengemano unaotoka kwa Mungu Baba yetu!

Kazi ya utume.

³Twamshukuru Mungu, Baba wa Bwana wetu Yesu Kristo, siku zote tunapowaombea ninyi.

⁴Kwani tumesikia, mnavyomtegemea Kristo Yesu, tena mnavyowapenda watakatifu wote.[#Ef. 1:15.]

⁵Maana mwakishika kingojeo cha yale, mliyowekewa mbinguni; hayo mmeyasikia kale, mlipotangaziwa Utume mwema wa neno la kweli.[#1 Petr. 1:3-4.]

⁶Nao Utume ulifika kwenu, kama ulivyofika po pote ulimwenguni: huzaa matunda, tena hukua. Vivyo hivyo uko hata kati yenu tangu siku ile, mlipousikia na kuutambua upole wa Mungu kwamba: Ndio wenye kweli.

⁷Ndivyo, mlivyofundishwa na Epafura; ni mtumwa mwenzetu mpendwa, tena ni mtumishi mwelekevu wa Kristo anayewafanyizia ninyi kazi.[#Kol. 4:12.]

⁸Naye ndiye aliyetueleza, mnavyopendana Rohoni.

Kazi ya Kristo.

⁹*Kwa hiyo hata sisi tangu siku ile, tulipoyasikia mambo hayo, hatuachi kumwangukia Mungu na kuwaombea ninyi, mpate kuyatambua yote, ayatakayo, kisha mpewe werevu wote ulio wa kweli na ujuzi wote wa Kiroho.[#Ef. 1:16-17.]

¹⁰Hivyo mtaweza kuendelea na kumpatia Bwana macheo, apendezwe nanyi kabisa; kisha mtazaa matunda mkizifanya kazi njema zote kwa kuendelea kumtambua Mungu.[#Ef. 4:1; Fil. 1:27.]

¹¹Tena tunawaombea, mtiwe nguvu zo zote kwa hivyo, utukufu wake ulivyo wenye nguvu, mpate kuyavumilia na kuyanyenyekea yote.[#1 Kor. 1:5.]

¹²Mpate hata kumshukuru Baba kwa furaha, maana amewatengeneza ninyi, mgawiwe fungu la urithi wa watakatifu uliomo mwangani.[#Ef. 1:11.]

¹³Yeye ndiye aliyetuokoa katika nguvu ya giza, akatukalisha kwenye ufalme wa mwana wake mpendwa.[#Kol. 2:15.]

¹⁴Mwake yeye ndimo, tupatiamo ukombozi kwa kuondolewa makosa.*[#Ef. 1:7.]

¹⁵Yeye anafanana na Mungu asiyeonekana; ndiye aliyevitangulia viumbe vyote kuzaliwa.[#Ebr. 1:3.]

¹⁶Tena ndiye, ambaye vyote viliumbwa mwake yeye, vilivyoko mbinguni navyo vilivyopo nchini, vinavyoonekana navyo visivyoonekana, vikiwa viti vya kifalme au maboma au makao ya wakuu au pengine penye nguvu: vyote pia viliumbwa naye, tena humwelekea.[#Yoh. 1:3,10.]

¹⁷Naye mwenyewe alikuwapo, vitu vyote vilipokuwa havijakuwapo bado, navyo vyote hushikwa naye.[#Fano. 8:25-27; Rom. 11:36.]

¹⁸Naye mwenyewe ni kichwa cha mwili, maana cha wateule. Naye ni wa kwanza, ni limbuko la wafu, kusudi yeye awe wa kwanza katika mambo yote.[#Tume. 26:23; 1 Kor. 15:20; Ef. 1:22; Ufu. 1:5.]

¹⁹Kwani ilimpendeza Mungu, yote pia yamkalie yeye,[#Kol. 2:9; Yoh. 1:16.]

²⁰tena yote yapatanishwe naye, yarudi kwake yeye, kwani hapo, damu yake ilipomwagwa msalabani, ameyapatia utengemano yale yote yaliyopo nchini nayo yaliyopo nchini nayo yaliyoko mbinguni.[#Ef. 1:10; 1 Yoh. 2:2.]

Utukufu wa Utume.

²¹Hata ninyi kale mlikuwa wageni naye, mkawa hata wachukivu wake, maana mioyoni mlifuata matendo mabaya.[#Rom. 5:10; Ef. 2:12-13; 4:18.]

²²Lakini sasa amewapatanisha hata ninyi hapo, alipokufa na kuutoa mwili wake wa kimtu, awageuze nanyi kuwa machoni pake watakatifu pasipo kilema wala kosa.[#Ef. 5:27.]

²³Mtakuwa hivyo mkifuliza kumtegemea, kwani mmajengwa juu ya msingi wenye nguvu, msiwezekane kuondolewa penye kingojeo cha Utume mwema, mliousikia; ndio unaotangaziwa kila kiumbe kilichoko chini ya mbingu. Nami Paulo ninautumikia.

²⁴Sasa nafurahiwa nayo mateso, niliyoyapata kwa ajili yenu. Nayo maumivu, Kristo aliyoyasaza, nayatimiliza katika mwili wangu, unapoteswa kwa ajili ya mwili wake, maana wateule wake.[#Ef. 3:13; 2 Tim. 2:10.]

²⁵Ndio wao, niwatumikiao nikiufuata utunzaji wa Mungu, niliopewa, niwatimilizie ninyi Neno lake Mungu.

²⁶Ni lile fumbo lililokuwa limefichwa tangu kale, baba wasilijue. Lakini sasa watakatifu wake wamekwisha kufumbuliwa;[#Rom. 16:25-26; Ef. 1:9-10; 3:4-9; 1 Tim. 3:16.]

²⁷kwani ndio, Mungu aliotaka kuwatambulisha, limbuko likuavyo, lile la utukufu wa fumbo hili, awalimbikialo wamizimu, ndilo hili: Kristo yumo mwenu, yeye ndio utukufu unaongojewa.[#1 Tim. 1:1.]

²⁸Naye ndiye, tunayemtangaza sisi, tukimwonya kila mtu na kumfundisha kila mtu werevu wote ulio wa kweli, tupate kumgeuza kila mtu kuwa mtimilifu kwa nguvu ya Kristo.[#Kol. 1:22.]

²⁹Kazi hii ndiyo, niisumbukiayo na kuishindania kwa uwezo wake yeye anayeniwezesha hivyo kwa nguvu yake.