Huku nchini hakuna kutulia.

¹Nilipoyatazama tena makorofi yanayofanywa chini ya jua, niliona machozi yao waliokorofishwa, lakini sikuona aliyewatuliza mioyo; namo mikononi mwao waliowakorofisha zimo nguvu, kwa hiyo kwao hakuna atakayewatuliza mioyo.

²Kwa sababu hii nikawawazia wafu waliokufa kale kuwa wenye shangwe kuliko wao wanaoishi bado wenye maisha.[#Iy. 3:11.]

³Lakini niliyemwazia kuwa amepata mema kuliko wao wote wawili, ni yule asiyepata bado kuzaliwa, kwa kuwa hakuyaona hayo matendo mabaya yanayofanywa chini ya jua.[#Mbiu. 6:3.]

⁴Tena niliona, ya kuwa masumbuko yote na kufanikiwa kote katika kazi hutoka katika wivu, mtu anaomwonea mwenziwe; hayo nayo ni ya bure na kuukimbilia upepo.

⁵Mjinga hukaa na kuifunga mikono yake; basi, hujila mwenyewe.[#Fano. 6:10.]

⁶Kiganja kimoja kikijaa matulivu ni vema kuliko magao yote mawili yakijaa masumbufu ya kuukimbilia upepo.[#Fano. 15:16.]

⁷Nikatazama na mengine yaliyo ya bure chini ya jua:[#Mbiu. 2:12.]

⁸kama mtu yuko peke yake pasipo mwenziwe wa pili wala mwana wala ndugu, hakomi kabisa kujisumbua, wala jicho lake halishibi kuzitazama mali, naye husema: Mimi ninamsumbukia nani na kujinyima mwenyewe mema yote? Basi, hayo nayo ni ya bure na utumishi mbaya.

⁹Kuwa wawili kunafaa kuliko kuwa mmoja tu, kwa kuwa hao hupata mshahara mwema wa masumbuko yao.

¹⁰Kwani wakianguka, mmoja humwinua mwenziwe lakini mtu aliye peke yake akianguka, ni vibaya, maana hana mwenziwe wa kumwinua.

¹¹Tena wawili wakilala pamoja hutiana jasho; lakini aliye peke yake atawezaje kupata jasho?

¹²Tena aliye peke yake mtu humshinda, lakini wawili wataweza kusimama mbele yake. Nayo kamba yenye nyuzi tatu haikatiki upesi.

¹³Kijana mkiwa mwenye werevu wa kweli ni mwema kuliko mfalme mzee, akiwa mjinga asiyejua kuonyeka tena.

¹⁴Kwani itakuwa, yule atoke kifungoni, apate ufalme, naye aliyezaliwa katika ufalme wake awe mkiwa.[#1 Mose 41:14.]

¹⁵Nikawaona wote walioishi na kutembea chini ya jua, wakirudi upande wa huyo kijana wa pili aliyesimama mahali pake yule.

¹⁶Nao watu wote, aliowaongoza wote pia, hawakuhesabika. Lakini watakaokuwako nyuma yake hawatamfurahia. Kwa hiyo nayo yalikuwa ya bure na kuukimbilia upepo.[#Mbiu. 1:14.]