Mafumbo ya maangamizo ya Yerusalemu.

¹Neno la Bwana likanijia katika mwaka wa 9 katika mwezi wa kumi siku yake ya kumi kwamba:[#2 Fal. 25:1; Yer. 52:4.]

²Mwana wa mtu, jiandikie jina lake siku hii siku hiihii ya leo! Kwani mfalme wa Babeli ameufikia Yerusalemu siku hii ya leo.

³Nao mlango huu mkatavu uutungie fumbo ukiwaambia: Hivi ndivyo, Bwana Mungu anavyosema: Iteleke nyungu! Ndiyo, iteleke! Kisha itie nayo maji!

⁴Tena vikusanye vipande vyake vya kutia ndani, vyote viwe vipande vizuri tu vya paja na vya mkono, ijaze mifupa iliyochaguliwa!

⁵Chukua kondoo tu waliochaguliwa kwa uzuri! Tena chini yake hiyo nyungu patupie mifupa, iwe chungu! Zitokose kabisa nyama, nayo mifupa iliyomo sharti ichemke sana.

⁶Kweli hivi ndivyo, Bwana Mungu anavyosema: Yatakupata, wewe mji wenye hivi ndivyo, Bwana Mungu anavyosema: Yatakupata, wewe mji wenye damu, u nyungu yenye kutu, nayo kutu yake inakataa kuondoka kwake! Zitoe zile nyama kipande kwa kipande, msizipigie kura![#Ez. 24:9.]

⁷Kwani damu zilizomwagwa mwake zimo bado, ni hapohapo penye mwamba ulio wazi, alipozimiminia, hakuzimwaga penye mchanga, zikafunikwa kwa mavumbi.

⁸Kusudi ziyainue makali yangu yenye moto ya kulipiza lipizi, kwa hiyo nimeacha, azimiminie hizo damu penye mwamba ulio wai, zisifunikwe.

⁹Kweli hivi ndivyo, Bwana Mungu anavyosema: Yatakupata, wewe mji wenye damu, nami nitaupangia chungu kubwa la kuni.[#Nah. 3:1.]

¹⁰Lete kuni nyingi, uwashe moto! Zitokose nyama kabisa na kuziunga kwa viungo! Mifupa na iungue!

¹¹Nyungu ikiwa tupu, iweke penye makaa yake ya moto, chuma chake kipate moto kabisa, mpaka kiungue, taka zake zilizomo ziyeyuke, kutu nayo iondoke kabisa.

¹²Lakini ni kujisumbua bure, kutu haitoki kwake kwa kuwa kutu ni nyingi, namo motoni hiyo kutu yake inakaa.

¹³Ni kwa ajili ya uchafu wako wa uzinzi; kwa kuwa nilitaka kukutakasa, ukakataa kutakata uchafu wako ukikutoka, kwa hiyo hutatakata tena, mpaka niyatimize kwako makali yangu yenye moto.[#Ez. 5:13.]

¹⁴Mimi Bwana nimeyasema, kwa hiyo yatakuja nitakayoyafanya. Sitachoka, wala sitakuonea uchungu, nikuhurumie; kwa hivyo, njia zako zilivyo, tena kwa hivyo, nayo matendo yako yalivyo, watakuhukumu; ndivyo, asemavyo Bwana Mungu.

¹⁵Neno la Bwana likanijia la kwamba:

¹⁶Mwana wa mtu, tazama, ayapendezaye macho yako nitamchukua kwako kwa mara moja nikimpiga; nawe usimwombolezee, wala usimlilie, machozi yasikutoke machoni![#Ez. 24:18.]

¹⁷Piga kite usiposikiwa; lakini aliyekufa usimfanyizie matanga! jifunge kilemba chako, kavae viatu miguuni pako! Lakini usiufunike udevu wa midomoni, wala usile chakula, watu watakachokuletea!

¹⁸Asubuhi nilikuwa nikisema na watu, tena jioni mke wangu akafa, kesho yake asubuhi nikafanya nilivyoagizwa.

¹⁹Watu wakaniuliza: Mbona hutuelezi yatakayokuwa kwetu, wewe ukifanya hivyo?

²⁰Nikawaambia: Neno la Bwana limenijia la kwamba:

²¹Uambie mlango wa Isiraeli: Hivi ndivyo, Bwana Mungu anavyosema: Mtaniona, nikipapatia uchafu Patakatifu pangu palipo majivuno yenu makuu na tamaa ya macho yenu na upendeleo wa roho zenu. Nao wana wenu wa kiume na wa kike, mliowaacha, wataangushwa kwa panga.

²²Ndipo, mtakapofanya, mimi nilivyofanya: Hamtazifunika ndevu za midomoni, wala hamtakula chakula, mtakacholetewa na watu.

²³Navyo vilemba vyenu vitakuwa vichwani penu, navyo viatu miguuni penu; hamtaomboleza, wala hamtalia machozi, ila kwa manza zetu, mlizozikora, mtayeyuka, tena mtapigiana kite kila mtu na ndugu yake.

²⁴Naye Ezekieli atawawia kielekezo, nanyi myafanye yote, aliyoyafanya yeye, yatakapotimia. Ndipo, mtakapojua, ya kuwa mimi ni Bwana Mungu.[#Ez. 12:11; 24:27.]

²⁵Nawe mwana wa mtu, isiwe hivyo? Siku, nitakapoyachukua kwao yaliyowapa nguvu, yaliyokuwa furaha yao kwa kuwapa utukufu, macho yaliyoyatamani, yaliyowashika mioyo yao wana wao wa kiume na wa kike,

²⁶siku ile atakuja kwako mtu aliyekimbia, ayasimulie masikioni pako.[#Ez. 33:21.]

²⁷Siku ile kinywa chako kitafumbuliwa papo hapo, yule mtoro atakapofika kwako, useme, usinyamaze tena; ndipo, utakapowawia kielekezo, nao watajua, ya kuwa mimi ni Bwana.