Wamisri na Wanubi watatekwa na Waasuri.

¹Mwaka wake ulipotimia, Sargoni, mfalme wa Asuri, alimtuma Tartani kwenda Asdodi; akapiga vita kule Asdodi, akauteka mji huo.[#2 Fal. 18:17.]

²Mwaka uleule Bwana alisema na kumtuma Yesaya, mwana wa Amosi, akamwambia: Nenda, uvue gunia, ulilolifunga kiunoni juu, navyo viatu uvivue miguuni! Akafanya hivyo, akatembea akiwa mwenye uchi wa kifuani na miguuni.[#Ez. 24:24.]

³Bwana akasema: Kama mtumwa wangu Yesaya alivyotembea akiwa mwenye uchi wa kifuani na miguuni miaka mitatu kuwa kielekezo cha kuwaonya Wamisri nao Wanubi,

⁴ndivyo, mfalme wa Asuri atakavyopeleka mateka ya Misri nao Wanubi watakaokamatwa, vijana na wazee, waende wenye uchi vifuani na miguuni, hata matakoni, Wamisri watiwe soni.

⁵Hapo watu watastuka na kuingiwa na soni kwa ajili ya Wanubi, waliowatazamia, na kwa ajili ya Wamisri, ambao walijivunia.

⁶Nao wakaao kule pwani watasema siku ile: Tazameni, wale, tuliowatazamia, walivyo! Nasi twalitaka kukimbilia kwao, watusaidie, tujiponye machoni pake mfalme wa Asuri. Hivyo tungeponaje sisi?