Ubaya wa watu umeiharibu nchi.

¹Wewe Bwana hushinda, nikiulizana wa wewe; lakini na tusemeane hukumu zipasazo! Mbona njia zao wasiokucha huendelea vema, nao wadanganyifu wanaodanganya hutengemana?[#Iy. 21:7; Sh. 73:3.]

²Uliwapanda, wakatia mizizi; huendelea kukua, mpaka wakizaa matunda. Wewe u karibu vinywani mwao, lakini u mbali mioyoni mwao.

³Nawe Bwana unanijua, ukaniona, ukanijaribu moyo wangu, kama u kwako. Wakamate kama kondoo wa kuchinjwa, kawachagulie, wawe tayari siku ya kuchinjwa!

⁴Nchi na iomboleze mpaka lini, majani ya mashamba yote yakinyauka? Kwa ajili ya ubaya wao waikaao hata nyama na ndege wametoweka, nao husema: Hatauona mwisho wetu![#Yer. 9:10.]

⁵Kama waendao kwa miguu wamekuchokesha, ulipokimbizana nao, utawezaje kushindana na farasi? Tena: Wewe ukitulia tu katika nchi itengemanayo utafanyaje ukikaa katika machaka makuu ya Yordani?

⁶Kwani nao ndugu zako nao mlango wa baba yako hukudanganya, kweli hawa nao hupaza sauti za kupiga kelele nyuma yako; usiwategemee! Kwani usoni pako husema mema.

Mungu anaililia nchi.

⁷Nimeiacha Nyumba yangu, nikalitupa fungu langu, nikayatoa, roho yangu iliyopendezwa nayo, nikayatia mikononi mwa adui zao.

⁸Fungu langu likaniwia kama simba wa mwituni: Ameningurumia, kwa hiyo nimechukiwa naye.

⁹Je? Fungu langu ni kama bundi, ambaye makunguru humkusanyikia po pote? Nendeni kuwakusanya nyama wote wa porini! Kisha waleteni, wale!

¹⁰Wachungaji wengi wameiharibu mizabibu yangu, wakalikanyagakanyaga fungu langu; fungu langu, nililopendezwa nalo sana, wameligeuza kuwa mapori kama ya nyikani.

¹¹Kweli wameligeuza kuwa peke yake tu; hivyo lilivyo peke yake linanililia, nchi hii nzima iko peke yake, kwa kuwa hakuwako mtu aliyeyaweka hayo moyoni.

¹²Milimani po pote katika nyika wenye kuiharibu nchi wamefika; kwani Bwana yuko na upanga ulao; huanzia kula kwenye mpaka mmoja wa nchi, hata ufike kwenye mpaka mwingine. Ndipo, wote wenye miili wanapokosa kutengemana.

¹³Walipopanda ngano huvuna miiba; hujisumbua, lakini hawapati kitu. Ndivyo, mtakavyopatwa na soni kwa ajili ya mavuno yenu, moto wa makali yake Bwana utakapowaka.[#5 Mose 28:38; Hos. 8:7.]

Mapatilizo na wokovu wa mataifa waliokaa na Wayuda.

¹⁴Hivi ndivyo, Bwana anavyosema kwa ajili ya wabaya wote, tuliokaa nao, waliolitwaa fungu lile, nililowapa wao walio ukoo wangu wa Isiraeli, liwe fungu lao: Wataniona, nikiwang'oa katika nchi yao, tena nikiwang'oa walio wa mlango wa Yuda katikati yao!

¹⁵Itakuwa, nitakapokwisha kuwang'oa nitawahurumia tena, niwarudishe kila mmoja penye fungu lake, kila mmoja katika nchi yake.

¹⁶Tena itakuwa, kama wale watajifundisha vema njia zao walio ukoo wangu, waape na kulitaja Jina langu na kusema: Hivyo, Bwana alivyo Mwenye uzima, kama wenyewe walivyowafundisha walio ukoo wangu kuapa na kumtaja Baali, basi, ndipo, watakapojengwa katikati yao walio ukoo wangu.[#Yer. 4:2; 5 Mose 6:13.]

¹⁷Lakini kama hawasikii, nitaling'oa taifa hilo kabisa, liangamie; ndivyo, asemavyo Bwana.